الشاعر حاتم السمان رفاعى
من أصحاب المنتدي
عدد المساهمات : 62 تاريخ التسجيل : 31/07/2011
| موضوع: مكتوب على وشى جانى !! الإثنين أغسطس 01, 2011 4:35 am | |
| أنا باجرى جوا نفسى .. والخطوه مكتفانى !! معصور الحزن فيا.. وشارب من كيعانى ..!! فدادين الزرع بارت .. والميه اتجمدت ..! والقمح سنابله فضيت .. وإزاى تتعبى تانى ..؟ يا شهيد القدس ياللى .. صوتك ساكن ودانى .. لو كنت أقدر أساعدك .. تارك كان خدته ليك .. لكن .! ظلم الصهاينة .. كتّف جوايا لسانى ..!! كسروا جرس الكنايس .. حرمونى من أدانى .. خلونى أحس إنى .. مكتوب على وشى جانى !! لو موج البحر يعلى .. هيغطى الصيادين .. لو صوتى فيا يعلى .. رايحه تسدُه الإيدين ..! م الخوف فى القلب يزرع .. عشق الأه والأنين ..! قدامى طريق يخوف .. شايف فيه شوك وموت ..! سامع من عزه ميت .. بيصيح وبأعلى صوت .. ياللى بتشجب وترفض .. فينك. متخبى فين ؟ يا شهيد الأقصى دمك .. عمره ما يضيع هدر ..! هافضل أدافع وأدافع .. عن حقى بالحجر ..! وان متنا فيه أكيد ..غيرنا رايح يعيش .. ماهــُ يمكن ينتصر ..! يا شهيد الأقصى أسف .. إحنا شعب الكلام .. نتنازل عن حقوقنا وحجتنا السلام ..!؟ زمانَّا تاه ما بينا .. من كتر الاحتجاج .. نرفض .. نشجب .. ندين ... ونقولها باحترام ..!؟ يا قدس ما تندهيش .. ربك عالم بحالك ..! دا أطفال الحجارة .. دول همَّ رأس مالك ..! بيدافعوا بكل قوه .. وينادوا : الله أكبر .. ومنجّى من المهالك ..! كل القلوب معاكِ .. أما البشر بعيد !! لو مات فـ يوم يهودى .. يموت ألفين شهيد ..!؟ كل الشعوب حزينه .. وبتألف أغانى .. ولكن للأسف ..!! اللحن ما هوش جديد !! يا حجاره ما ترخصيش .. أطفالنا محتاجينك ..!! هيدافعوا بيكِ أيوه .. والمولى راح يعينك ..! عرفات يا قدس إبنك .. دايماً رافع جبينك .. الدره مات شهيدك .. ووفاء .. وآيات .. وغيرهم .. بالذمة يا رحمه فينك ..؟؟ يا حجاره فـ إيد ولادنا .. أقوى من ميت سلاح ..! مهما كانت جنودهم .. هندافع وبكفاح .. وإن مات مليون فدائى .. لسه فاضل كتير .. دا مابعدش الصباح .. يا شهيد القدس آسف .. أعذرنى غصب عنى .. أحزانى ساكنه فيا .. وجروحى أقوى منى ..! مِ الخوف اخويا باعنى .. ونسينى ابن عمى ..! يا زرع إنشف فى أرضك .. مش محتاجين خَضار ..! وحياة أمك فى عرضك ..! خلصنا من الحصار ..! لابسين قناع مزيَّف .. تحت القناع مرار ..! فاكرين الكدب خيبه .. وأتارى الكدب عار ..!! خايف لاكدب وأقول : ( وطنى حبيبى الوطن الأصغر .. يوم ورا يوم أحلام بتصغر .. وانكساراته ماليه حياته .. وطنى بيكبر .. وبيتدمر .. وطنى بيكبر .. وبيتدمر .. )
| |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: مكتوب على وشى جانى !! الإثنين أغسطس 01, 2011 5:38 am | |
| الله الله ايه العظمه دي كلآتها
أنا باجرى جوا نفسى .. والخطوه مكتفانى !! معصور الحزن فيا.. وشارب من كيعانى ..!! فدادين الزرع بارت .. والميه اتجمدت ..! والقمح سنابله فضيت .. وإزاى تتعبى تانى ..؟ يا شهيد القدس ياللى .. صوتك ساكن ودانى ..
الله على الجمال
وكمية المفردات والصور البكر
بجد وعن جد
جلبي ليك انشد ودموعي بحور على الخد
عن جد قلمك ابداعه ما له حد
الشاعر الجميل
هنا وانا اقرأ نصك شعرت
بطعم الشعر الحقيقي ولذة القراءة
وبالفعل ننتظر كل جديد لك
وايضا كم نفخر بك
مودتي | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: مكتوب على وشى جانى !! الأربعاء أغسطس 03, 2011 9:29 pm | |
| ما اروعك شاعرنا القدير حقيقى هايل سلمت وسلم قلمك الواعى دمت بكل حب وابداع | |
|