(هتاش وفشار المصباح) للتواصل

السلام عليكم
اخوانى وأخواتى الشعراء
بعد أرق التحية لكل من فى المنتدى
لدى فكرة ساخرة اود ان نشترك فيها جميعا
اعتبروها لعبة او ضحكة فى زمن الحزن المرير
كل شاعر وشاعرة عليه التقمص فى دور الهتاش
فى صيغة أبيات شعرية ساخرة
ملحوظة
الهتش والفشر مفتوح للجميع اهتش وافشر على كيفك واحنا حنسمعك
لكن حنصدقك وحنفشر زييك
وكل واحد حسب فشره
وفى النهاية حنشوف مين احسن واحد فى الهتش والفشر
ملحوظة تانية
سامحونى على هذه الفكرة المجنونة
وطبعا والله انا مش فشار ولا هتاش
ههههههههههههههههههههههههههههههههههههه

اسمحولى بان اكون اول من يفشر ويهتش عليكم

موضوع: رد الهتاش الجمعة أغسطس 05, 2011 6:57 am

هل انا بكذب أبدا أبدا
هل انا بفشر أبدا أبد
باكل فى الطقة خروفين وجاموسة محشية فريك
وابقى جعان عالاخر واذعق بسرعة هاتولى الديك
وأحلى بشجرة تفاح
فى مرسيدس فى البيت سواح
يبقى انا بكذب أبدا أبدا
ولا أنا بفشر أبدا أبدا

ههههههههههههههههه

والله والله والله

برافو عليك
لان الهتش والفشر دا بقى منتشر بشكل كبير جدا
فكرتني بالخواجه بيجو وابو لمعه

ههههههههههههههههههههه

في انتظارك بكل شوق وشغف
واكيد لنا تواصلات معك
احيك على هذة الفكرة الناجحه

انا حاوى خطير جدا جدا

ومن المشاهير جدا جدا

واقف عالمسرح واتشمر

من الدهشة هتقعد متسمر

والديك المحشى المتحمر

اقدر اخليه يصحى ويدن

يبقى انا بكدب ابدا ابدا

ولا انا بفشر ابدا ابدا

موضوع: رد الموضوع الجمعة أغسطس 05, 2011 2:01 pm

جدتى جدى اهدى اليها
سجادة عجمى معتبرة
كل ماتيجى تمشى عليها
تغطس ولا تبان فى الوبرة
وزرعلها فدان قلاش
من اسوان لحد أبو راش
يبقى انا بكذب أبدا أبدا
يبقى أنا بفشر أبدا أبدا

وانا جدى كان متجبر

يضرب عالارض تخضر

تطرح فجلة وتفاحة

وانا مكدبتش بصراحة

وخبيت الدنيا فكمى

لو عاوز تدخل سمى

يبقى انا بكدب ابدا ابدا

ولا انا بفشر ابدا ابدا

انا مرة ماشي في الشارع
ببص لقيت مليون الف جنيه
قعدة ابعزق هنا شويه وهنا شويه
صدقني انت ياسمك ايه
شوفلي معاك خمسه جنيه

هو

انا كداب ابدا ابدا

هو
انا هباش ابدا ابدا

انا مرة ماشى ومعدى

ولا بية ياخوية ولا بيدى

ولاقيت الفيل ويا النملة

والظاهر كان عامل عملة

واتلمت ناس وكتير ياما

والفيل كان واخد برشامة

انا قولت يا ناس حد يحوشه

هنكتفه يالا على حوشه

اما انتى يانملة يا مفعوصة

روحى يالا اتزوقى يا عروسة

والفيل دا كان مجنون

انا رايح اجيب ماذون

كدة انا بفشر ابدا ابدا

كدة انا بكدب ابدا ابدا

موضوع: رد السبت أغسطس 06, 2011 12:49 am

وأنا لما نزلت من ماما
فى سبوعى وزعت الشربات
وحبايبى جونى وهنونى
ملوك على شوية بشوات
ورقصت مع بنت الحتة
وعمنا فى صحن الفتة
ونظرى ستة على ستة
فى الضلمة أغذل ياحضرات
يبقى أنا بفشر......أبدا أبدا
ولا أنا باهتش .......أبدا أبدا

وانا امى اصلها فلاحه

تخبز وتعجن جراحه

تعمل رغيف م العيش محصلش

تسبح تعوم توصل للمنش

يبقى انا كدابه لألأ

انا برضه من كام يوم

نزلت البحر أعوم

ولقيتنى ف وسط الميه
عايم ولا شئ بيا

طلعتلى ياناس جنيه
بصتلى وضحكت ليا
وادتنى رقم محمول

على طول مشغول على طول

ابقى انا فشارلالا

ولما و صلت 3سنوات رحت الغيط ازرع بطيخ
رميت البذرة قبل الظهر وقت العصر طرح بطيخ
عدى عليا عم سلامة قولت تعالى ياحج لجاى
اقطعلك 30بطيخة ولا حتشرب فنجان شاى
قالى مفيش للشاى أسنان
هات بطيخة من البستان
حن عليا ده انا غلبان
يلا قوام هات البطيخ
لقيت بطيخة كبيرة كبيرة قد مدينة
شلتها بايدى وقولت ياواد هات السكينة
قسمتها فى الحال نصفين
اكل النصف فى غمضة عين
يبقى انا بكذب ابدا ابدا
يبقى انا بفشر ابدا ابدا

بعينى أنا شوفت السّمك بيصلىّ
والفرخه تطبخ والحمامه تقلىّ
والوز عامل فى المزارع ثورة
بعنيّه شايفه مافى واحد قاللىّ
يبقى انا بفشر....لا لا
يبقى انا باهتش...لا لا

انا مرة طلعت اصيد سمكة

حسيت فى المية با لحركة

وفرحت وحلتلى البركة

واسطدت السمكة وعجبانى

بس اللى بهدللى كيانى

انها سمكة برانى

وكبيرة وكد الجرن

وازاى هتخش الفرن

ماهى اصلا وزنها طن

علشانها بعت البيت

وبتمنه جبت الزيت

انا كدا بفشر لا لا

انا كدة بكدب طبعا لا

ههههههههههههههههههههه

موضوع: رد الموضوع الإثنين أغسطس 08, 2011 1:29 am

وانا مرة ياخويا رميت سنارتى فى بحر غويط مالهوش قرار
لقيت بولطية تحت الميةخدتنى معاها لحد الدار
شوفت سمك اشكال والوان
شوفت اللولى والمرجان
قولت اسحبهامعايا لبرة
ونعمل عشوة وتحلى السهرة
ولما بدائت اسحب فيها
قالتلى ياحلو ادفع مهرى وبعد كده اشوينى عالنار

انا اليوم قررت الا افشر او اكذب

لاننى قررت ان اثبت هذا الموضوع الساخر

نظرا للاقبال عليه من العضاء

ثم نعود بعد ذلك للفشار مرة اخرى

مع اطيب الامنيات بقضاء اطيب وامتع الاوقات

معنا فى المنتدى وفى قسم الشعر الساخر والزجل

دمتم لنا فى اتم صحة وابداع

انا شوفت حماره
فى وسط الحارة
تلف البانجو
ف قلب سيجارة
روحت ألاغيها
وأشدّ عليها
زعلت منىّ
وعملت غارة
يبقى انا بافشر...لا لا

انا شوفت حماره
فى وسط الحارة
تلف البانجو
ف قلب سيجارة
روحت ألاغيها
وأشدّ عليها
زعلت منىّ
وعملت غارة
يبقى انا بافشر...لا لا

وانا جبت كيلو اللحمه يابيه

ومعاه خضار وبنص جنيه

والبقره كات فوق البيعه

وعملت أكله إنما بقى أيه

السلام عليكم يا اساتذتي الكرام
***************************************************
سمحوني يا خوانا عايزة أساعد
و ربنا علينا و عليكم شاهد
ماهم الاساتذة كلهم مشغولين
نسيين عمنا فشار الهتاش
المره دي حخليها ببلاش
----------------------------------
أنا مرّة كنت بنت سفير
عندي حصان يسبح و يطير
ياكل محشي بس و حمام
المسكين خس من كتر الصيام
-----------------------------------
وحدة جارتنا جابتلي هدية
حجةو عمرة للسعودية
قلت فرصة الولاد يصيفو
يشمو هوى و البحر يشوفو
يبقى أنا كدابه...لالا
ولا أنا هتاشه..أبدا أبدا

الدكر البط بيقرأ النشرة
والكتاكيت بتبص عليه
والحدايه ماسكه مرايه
وتمسك ريشها وتلعب بيه
ابقى انا فشار..لا لا

شفت الخبر الآتي ياهادي
قوات الحلف الاطلنطي
جاي تطهر ليبيا بلادي
جاي تصفي الجيش الليبي
وتقتل ابني واخويا وحبيبي
وحتنشر بينا الحريه
قوم ياواد انت وهو
اضرب كسر
كل مصانع بلدك
مستقبل بلدك
حتى تاريخك اهدم
معانه اوباما وسركوزي
كمان واسامه

طهر طهر
اكسر غير
ابقى انا فشار لا لا

» مسحراتى المصباح للتواصل
» ادباتي المصباح
» أهلا ومرحبا بالشاعر القدير عبد الصبور السايح
» أربـعــة من شعراء المصباح فى العشرة الأوائل
» شكر واجب للسيد الأستاذ مدير المصباح