@ يأيها الشاعر الكبير اتلهي على عينك @

اذا كان احدكم من هواة الشعر سواء جاهلي ,حداثي او حلواني او حتي فيومي وللاسف قريحتة جافة كحلق صائم
ففي سبع خطوات سوف تكون شاعر يشار الية بالبنان و بالحذاء ان اراد
يفضل ان يكون معاك حد كبير و انت بتكتب الشعر ثانيا يحبذ انك تكون لابس جلبية علشان تكون واخد راحتك علي الاخر
بجانبك منديل محلاوي-قزازة سبرتو-كبريت-5 بيضات-بيكنج بودر ..
اية دة..؟؟!!
معلش دي حلقة طبق اليوم
نرجع لموضوعنا صلي علي النبي
اولا
اختر فِكرة عبثية لا تهُمُ أي شَخص "حَبَذا لو كَانَت الفِكرَة من عَالم المَخْلوقات غير البَشرية"
مثال:
غزل بين جحش و انثاة؛ مصرع نملة وهي تحمل قطعة سكر؛ خرتيت يتثاءب؛ كلب يهوهو.. إلى آخره
ثانيا
في البداية.. وجه طاقاتك لوصف المشهد الماثل أمامك بطريقة واضحة.
مثال:
كانت بغلة بيضاء جميلة تسير أمامي وهي تحمل حزمة فجل لذيذة..
فاجأتها سيارة سوداء قبيحة وقامت بقتلها سقطت الفجلة..
إني حزين..
ثالثا
احذف الأسماء الدالة على الشخصيات.مثال:
كانت بيضاء جميلة تسير أمامي حاملة قطعة لذيذة..
وهاجمتها قبيحة وقتلتها سقطت الحزمة..
إني حزين..
رابعا
احذف كل ما يُمكن أن يَجعل القارئ يفهم القصة لعبكلة الدنيا و خليها سودة في خلقتة
مثال:
كانت تسير أمامي..
هاجمها القبح وخطف الحياة من بين يديها...
إني حزين..
خامسا
الجملة المبنية للمجهول أمر أساسي في الشعر الحداثي.. استخدمه بكثرة.مثال:
سُيِرَت نَحو المَوْت..
اغتِيلَت بيدِ الغَدْر وسُلِبَتِ الحَيَاةُ مِن بَيْن يَدَيْها...
حُزنٌ يَسْكُننِي..
سادسا
قم بإضافة إيحاءات جنسية.مثال:
سَارَتْ عَارِيَةً نَحو المَوْت..
نَهَشَ المَوتُ أثْدَائِها قَبْلَ أَنْ تَسْكُبَ جَمَالَ عَبيرها بَيْن يَدَيْه..
حُزْنٌ يَنْهَشُنِي..
سابعا
اقرأ ما كتبت..إذا فهمت حاجة يبقي انت فاشل فأعد الخطوات أعلاه كَرّة أُخرى..إذا لم تفهمه..فلا تبتأس يا عزيزي فقد بداء عصرك كشاعر يشار الية بالفجل و الرومان
و استعد لنيل جائزة البوليتزر في الشعر بس هات معاك حاجة تاخد فيها و يفضل كيس علشان متنقطش
ملحوظة
لا اضمن لك الحصول علي نتائج اكيدة لكن يفضل ان يكون قرائك من مرتادي المصحات النفسية و مصابي الفصام وسلس البول والعشي الليلي ويفضل ان تكون علاقتة باللغة العربية محصورة في كلمتي بابا و ماماو انجغغ
و في حالة فشلك الذريع بالرغم من سهولة توضيح الامر
ارجع للمكونات المذكورة اعلاه
و قم بفقش الخمس بيضات علي ام راسك و رشة بكينج بودر و ادلق نص قزازة السبرتو علي نافوخ السيادة و اشرب النص الاخر
وولع في نفسك ثم انتظر 20 دقيقة و تقدم ساخنا مع الشاي
ملحوظة جوة الملحوظة : المنديل المحلاوي علشان تحطة تحت فنجال الشاي
ملحوظة تانية إلى حين تفكيري في ملحوظة ثالثة
اذا البلية لعبت معاك ووجد شخص اكثر تخلفا منك وعملك الكلام الفاضي دة اغنية و فيديو كليب و دة وارد في الزمن الاغبر دة
يجب ان تصر اصرارا شديدا انك تطلع في الكليب لابس المنديل المحلاوي وواقف علي طشت مقلوب و اللي رايح و اللي جاي في الكليب يناولك علي قفاك
على فكرو ودي ملحوظه اخيرة قبل ما تصاب بالجوع او الدهشه وتدخل بعكوكه الفكر او زنزانه رقم 8 فى عنبرالمخشى عليه من الصداع الموضوع منقول بس مش من كاتب اسمه ايه دة بتاع الفول اللى كان ضحكى رايق تتباها بيه الخلايق
ارجوكم الموضوع منقول وياريت مافيش شاعر منه يضايق
جولنا منقول هع هع هع هع هع هع

[/center]

شاعر عدد المساهمات : 220 تاريخ التسجيل : 14/07/2011

الشاعر ماهر / حامد

طبعا حضرتك بتهزر

ولكن 90 في المائة من كلامك مضبوط

لأنني أعرف شعراء بيكتبوا بنفس الطريقة دي

كلام مش مفهوم

والراجل اللي يطلع حاجة أو فكرة أو أي شئ من القصيدة

وهي عبارة عن طلاسم

وتيجي تديله حاجة مفهومة يقولك ده كلام مباشر

ينقصة الصور والتشبيهات وخلافه

عموما أنا إستفدت من تحقيقك هذا

وهجرب أكتب بنفس الطريقة

يمكن تمشي وتضرب معانا

بأغنية تكسر الدنيا

ونعيشوا بقي

وأخيرا أشكرك علي معلوماتك القيمة

ومدعثر بالقحتلين تحرشمت

شرفتاه فخر كالخربعثلى

والكيكزوب الهيكزوب تهيهعت

من لوكف العلكبوت المنفلى

وتفشحط الفشحاط من مشحط

الحفا وسقاه سقاه البعبعلى

ياأنبذا هع وما للغرطاس اى زلنفلى

تمام كده استاذ ماهر

خدت بنصيحتك وربنا يسهل

تحياتى ايها الساخر[b]

شاعر عدد المساهمات : 220 تاريخ التسجيل : 14/07/2011

الشاعر / سامي شعير

قرأت القصيدة

وكنت علي وشك أن أستحضر عفريت وخفت لأنني لاأعرف أن أصرفه

بس بصراحة جميلة

pig

ربنا يخليك يامحمد

احمد الله انها عجبتك

بالرغم من انى لا افهم

معناها حتى الان بس

كويس انها لاقت القبول

تحياتى واحترامى لصاحب

كل جديد [b]

» إلى الشاعر الكبير أحمد الشربينى
» على استحياء الى روح الشاعر الكبير احمد الشربينى
» الشاعر ابراهيم العدل (حدوته في المنام) اداء الشاعر سعد الشرقاوي
» الــزهــرة الـمـشــرقــة ( روز ) مــرحــبـا
» الفنان الكبير (محمد عبد المطلب)