الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: قصيدة ( اطلع يا بكرة ) الأربعاء أغسطس 10, 2011 2:49 pm | |
| اطلع يا بكرة ... ========= اطلع يا بكرة
وافرض عالطوفان شطك
وهات لنا عصا موسى
تشق بحور
مستنظرينك يا بكرة
يترسم خطك
نحلم بالامل
والندى عليه مبدور
يا صبر ايوب
يا صابرة يا طاهرة
مستنظرة يوسف
يلملم سنابلك التايهة
ومش قادرة
وانتى عشتى تلاتين سنة
صابرة
ويوسف لازمله
بس سبعة عجاف
جاوبنى يا بكرة
بهية ليه بتخاف ؟
مستنظرة ينبت
فى طينها ياسين
يزيح الالم..ويزرع امل
فوق جبين العرقانين
اطلع يابكرة
بزيداك تهويش
اطلع كفاية
وهات معاك فرحك
اوعى يا ناعسة
تياسى ومتجيش
واصرخ يا بكرة
وسمع الوجود صرخك
وفى اتظارك يا بكرة
ومش هنتخبى
واقفين فى اعلى مكان
فوق مادنة وفوق قبة
شايفك يا بكرة من بعيد
شايفك بتملا الدنيا عيد
يالا لعلع من جديد
وامسح دموع ام الشهيد
وخللى ميزان عدلك
تكون طابة
يا ريت يا بكرة......
يا ريت يابكرة...... | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: قصيدة ( اطلع يا بكرة ) الأربعاء أغسطس 10, 2011 4:08 pm | |
| الشاعر ناصر علي نحن جميعا في انتطار غد افضل وارقى وبكره يكون لونه ابيض نص رائع وهذا مجرد عربون لواحد السهر والصيام مدروخه
فالتمس لي العذر
كل المودة
| |
|
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: قصيدة ( اطلع يا بكرة ) الأربعاء أغسطس 10, 2011 5:18 pm | |
| شكرا استاذ ماهر على العربون
وانا فى انتظار باقى الحساب وخللى بالك انا مش هستنى
كتير ..........
دومت لنا اخا عزيزا وشاعرا مبدعا | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: قصيدة ( اطلع يا بكرة ) الأربعاء أغسطس 10, 2011 6:13 pm | |
| الاخ الاستاذ/ناصرعلى رائع ماخط قلمكم هنا واسمح لى اخربش بجوارك واكتب رساله الى المجهول (الى /بكره) ,,, عندك فكرة جديدة يابكره نقدر نرسم بيك ملامحنا تبقى رصيدنا وتاخد ايدنا وتعبربينا سنين المحنـه واللا ف سن الريشه آلام نشطب بيها بقيت لايـّام لو مش شايف خير قدّام ريّح نفسك وتريّحــــنا ,,,,, كلّ ملامحى واضحه وانت مدارى عليّه شكل ملامحك واقف اقول لك ايوه وحاضر شئ فى خيالى ماعنتش لامحك جرحى ألمنى وانت ظالمنى يمكن اموت من قبل ما اسامحك صوت الشعب وخوفى يابكره يـيجى ربيعنا يعاكس ريحنا ونعوز نبنى الجنـّه نلاقى تحت اساسها بنرمى جراحنا ,,,,, يامه عالجنا ف جرح كبير عيشنا وشيلنا الهمّ كتير كلّ العمر حساب فى حساب لمـّا تعبنا من التفكير احنا بنحلم بالتغيـير والتزوير عمـّال يفضحنا لو مش لاقى حلول من فضلك سيـبنا نعيشوا يومين على ماحنا ,,,,,, مش رافضينك تبقى راعينا ولا علشانك مرّه سعينا احنا بنرفض ناس تكرهنا وبالقوانين تـتحكـّم فينا ونعيش فيها كما الأغراب لمـّا يضيق فى سماها براحنا بكره الكل حايبقى تراب مش ناقصينك يوم تدبحنا او تحاسبنا لو نتشاهد من سكـّينك على أرواحنا ,,,,,,
| |
|
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: قصيدة ( اطلع يا بكرة ) الأربعاء أغسطس 10, 2011 6:21 pm | |
| الشاعر الاستاذ / سعد الشرقاوى اشكرك
مرتين الاولى لمرورك الذى اضاء القصيدة وزادها جمالا
والثانية لامتاعك لى بهذه الخربشات الرائعة
وانت تخاطب بكرة
دمت لنا شاعرا واخا ومبدعا
وتقبل منى كل الود والتقدير | |
|
محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: قصيدة ( اطلع يا بكرة ) الخميس أغسطس 11, 2011 1:20 am | |
| الشاعر : ناصر علي
بارك الله فيك
دعوة إلي العمل
والنهضة ويارب يكون الشعب كله ( يوسف )
للخروج بالإقتصاد المصري إلي الرقي والإذدهار
قصيدة هادفة | |
|
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: قصيدة ( اطلع يا بكرة ) الخميس أغسطس 11, 2011 3:35 am | |
| شكرا لمرورك اخى الشاعر الاستاذ / محمد عبد الواحد
على مرورك الذى اسعدنى وشرفنى
تقبل مودتى وتقديرى | |
|