بــــــنـــاديــــلكـــــ

يامحبوبتي بناديلك

ومش عاوزك تناديني

ولا طالب تحسيني

ومش طمعان تقوليها

كفايه اقراها ف عنيكي

منيش موهوم

ولا مغرم بحب جديد

ولاقلبي مابين يدي

مابين وهم وخيال عايش

وبسالني اكون انا مين

وفاهم ان قلبي حديد

ولاعارف لفين السكه واخداني

لحب مرايته عميانا

وحبة عشق جوانا

ونجمة صبح سهـ....رانه

وموجه تهد بنياني

وانا اصلا حياتي كــ..شط

وعشقك ده قصور رمله

وموج بحرك يشيل ويـ..حط

فـــ لحظه كلها غفله

منيش طماع

ولا هااغصب عليكي كلام

بلاش نحكي

ولاحتي نكلم بعض

ياريتني بس اكون زكري

فــ تفكيرك
ولو صوره قصاد عينك

ومش ماضي اترمي ع الارض

مانيش قادر انا ع الصد

ولاقادر اكون قادر

علي بعدك

هاكون ازاي وانا

بحبك

بحبك رغم انك قلتي

نسيـــتيني

وعشقك لسه جوايا وصورتك

ساكنه تكويني

قوليلي ازاي

قدر قلبك علي بعدي

ونار بعدك بتكويني

ولو قربي لقلبك يجرح الاحساس

بلاش احساس

عشان قلبي لابد انه يقربلك

ولو حبي انا ليكي

يضيع مني كل الناس

تروح الناس

وانا حبي لطول العمر موهوبلك

منيش محتاج لحنيه

كفايه وبس احنلك

واناديلك

الله علي الرومانسيه الحالكة

الشاعر الجميل

الأستاذ عامر

هذا هو مجرد عربون اعجاب

كل مودتي

نداء صادق من القلب فكيف يرد ؟

سلمت لحسك الراقى ولأبداعك شاعرنا المبدع

كل أعجابى وشكرى على متعتنا ... دمت بخير