سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: يافاطر رمضان السبت أغسطس 27, 2011 1:09 am | |
| (يا فاطر رمضان)
ابن أمّ بهانه ياكل خرسانه ودايما يشكى عامل عيّان خللا جميع الناس زعلانه منـّه عشان فاطر رمضان ,,, بيلفّ دايما فى الحارة عمّال يمصمص فى سجاره فاكرها حرفه وشطاره وناسى انّه شغل شيطان ,,, مالى بالحرام دايما جيبه ابليس يودّيه ويجيبه باين لكلّ الناس عيبه وسيرته نار على كلّ لسان ,,, حسناته طارت ويّا الريح والسيئات بدل التسابيح المسلمين صلـّوا التراويح وهوّ ويّا الهوى سهران ,,, بالليل بيدخل على داره بعد السّحور شايل عاره وأهله عايشين فى مراره يا ميت خساره على الشبّان ,,, الفايده منّه ماهش حاصله وعيشته ما تساوى البصله جوّه الزحام أو فى مواصله من غير أدب يشرب دخّان ,,, لو حدّ يوم يطلب ودّه وعن الحرام نصحه وصدّه خيابته بتبان من ردّه وناقص يفسّر فى القرآن ,,, عامل لى فاهم فى السّنه حاجات كتير غابت عنـّا كأ نـّه من أهل الجنـّه وعاش زمان ابن النعمان ,,, عمّال يناحى فى المخاليق ماخدش منهم أىّ صديق يسبّ له كام دين ع الرّيق ويقول عشان بركة رمضان ,,, دايما مشيّلنا همومه أوّل ما يصحى من نومه بسلامته بيشق هدومه وعشمه زايد فى الغفران ,,, عامل له رخصه لفطاره فى أىّ ساعه فى نهاره فى نظره ح يبرر عاره لو قال يجوز أصل انا حرّان ,,, مسكين مقاطع أرحامه أسير شيطانه وأوهامه فى الجهل ضاعت أ يّامه والفرصه كات فى صيام رمضان ,,, | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: يافاطر رمضان السبت أغسطس 27, 2011 2:15 am | |
| يا ميت خسارة وندامه على الشباب العيانه اللي بتحلم ببهانه ف شهر هدى ورحمه وغفران
الشاعر الاستاذ
سعد الشرقاوي
دائماا نبض وعدسه مضويه ترصد ما هو متواري لهذة الصور أللا اخلاقيه التي فرضت نفسها بكل فجاجا وبجاحه نقلتها لنا بشكل يجعلنا نتأثر فهذا مقامك الذي نحترمه لا حرمنا الله من ابداعاتك
كل مودتي
عدل سابقا من قبل ماهر حامد في السبت أغسطس 27, 2011 4:00 am عدل 1 مرات | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: يافاطر رمضان السبت أغسطس 27, 2011 3:24 am | |
|
أدعى لربك يصلحهم يشوفوا ديما مصالحهم ويغذوا عين الشيطان ويبقى الخير بقى لصالحهم
| |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: يافاطر رمضان السبت أغسطس 27, 2011 11:22 am | |
| ياعم" سعد " سيبك منُّه ح تصوُِِّمه غَصبِن عنُّه زمان جهنم فاتحه الباب وزبانيه واقفين يستنوا محمد البسيونى | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: يافاطر رمضان الإثنين أغسطس 29, 2011 12:20 am | |
| - ماهر حامد كتب:
يا ميت خسارة وندامه على الشباب العيانه اللي بتحلم ببهانه ف شهر هدى ورحمه وغفران
الشاعر الاستاذ
سعد الشرقاوي
دائماا نبض وعدسه مضويه ترصد ما هو متواري لهذة الصور أللا اخلاقيه التي فرضت نفسها بكل فجاجا وبجاحه نقلتها لنا بشكل يجعلنا نتأثر فهذا مقامك الذي نحترمه لا حرمنا الله من ابداعاتك
كل مودتي اهلا بمروركم الكريم اخى الاستاذ ماهر حامد واضافتكم الكريمة عيد سعيد وكل عام وانتم بخير | |
|
سامى شعير
من أصحاب المنتدي
عدد المساهمات : 389 تاريخ التسجيل : 19/08/2011 العمر : 58 الموقع : bombomail@yahoo.com
| موضوع: رد: يافاطر رمضان الإثنين أغسطس 29, 2011 3:53 am | |
| ياعم دا افعاله قبيحه
والخمره باينه م الريحه
ولا عمره يبقل بنصيحه
هايقابل ازاى الرحمن
تحياتى استاذى العزيز
تقبل مرورى ووافر احترامى[b] | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: يافاطر رمضان الإثنين أغسطس 29, 2011 12:13 pm | |
|
ياعمنا انساه بالمرَّه مادام مِلازم للخمره مصيره لجهنم حَمرا مايشوفش يوم باب الريان | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: يافاطر رمضان الأربعاء أغسطس 31, 2011 2:02 am | |
| - عزة الزرقاني كتب:
أدعى لربك يصلحهم
يشوفوا ديما مصالحهم
ويغذوا عين الشيطان
ويبقى الخير بقى لصالحهم
الشاعرة الاستاذة عزه الزرقانى ومرورا يسعدنا دائما ويجمل صفحاتنا دمتم بكل خير عيد سعيد عليكم | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: يافاطر رمضان الأربعاء أغسطس 31, 2011 3:02 am | |
| كل سنه وانت والأسرة الكريمة طيبين وبخير ياعمنا الكبير أخوك / محمد البسيونى
| |
|