أنت مين

أنـــت مــيـــن
أنا واحد من الشعب
تاية مليش ذنب
الجرح فينا اندفن
والحلم جواى تاه
وكل شئ بقى علينا محال
حتى صوتنا بيشتروه بجنية ودولار
والمجلس أصبح لمين
============
أصبح بتاع السلطة والمال
ورجع لينا زمان الباشا والبيه
و بجنية هتكون باشا وبيه
وتصبح عضو فى البرلمان
=================
وممكن تكون رجل أعمال
تنهب وتسرق والكل يقولك تمام
وتاخد أرض مصر وتبيعها بالدولار
للمستثمرين من كل مكان
=====================
حالنا صعب علينا
وحسينا بالانين
لما طالبت بالتغير
قالو لى انت مين
==============
قلت
انا ابن تراب النيل
أنا من الارض والطين
أنا ابن فلاح بسيط
غارس ايده فى الطين
انا أبن الوطن
=============
مش قادر اقول اه اه
هيسمعنى مين
ولو قلت ياناس يقولوا
صوتك بيزعجنا
انت فلاح و ابوك فلاح
أنت تتكلم باسم مصر
أنت لا كان ابوك وزير
ولا حتى كان غفير
انت مين
===============
هو ليك فى الانتخابات صوت
ولو ليك هناخده منك بسوط
أنت مش معاك حتى قوت اليوم
صعبت على نفسى
صوتى ملهوش لزمه
ومليش حد يمثلنى
ولرغيف الخبز يوفرلى
وبشهادتى يوظفنى
تهت فى الأفكار وامرى احتار
أنا مين
================
أنا بمثل مين
بمثل الشعب الفقير
أنا واحد من الشعب
تايه مليش ذنب
والجرح جواى اندفن
علاء عبدالحق المازنى