الآرض تحتى اتزلزلت
وصرخه خارجه جلجلت
وسط الجموع الحااشده
فيييييينك يااااااااولدى
الحلم جواااااااايا اتخنق
والسهم صابنى واخترق
وانت اللى ساكت من سنين
مش تبقى سنننننننننندى
كتير نهشوا ف لحمى
سنين شايلاك ف رحمى
سنين غارق ف السبات
طب احمى عرضى
نسيت كلامك ايه زمان
قبل ماتروح الميدان
لما قلت بأعلى صوت
بحبك يابلدى
فرحت بيك لما ثورت
وصحيت من نومك وفوقت
وقلت برضوا ابن بطنى
وهايبنى مجدى
مجدى اللى راح م الفساد
اللى نهاه ظلم العباد
راجعلى تانى من جديد
بفضل ولدى
دلوقتى جاى بمشنقه
عاوز رقاب متعلقه
وبعلو صوتك جاى تقول
الحق عندى
يابنى ماتكونش ضدى
وف كلامك اهدى هدى
وانتشلنى م الدمار
خد ايدى عدى