سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: انا والقمر الخميس سبتمبر 01, 2011 11:43 am | |
| <P align=center>
| هذه الصورة تم تصغيرها تلقائياً، قم بالنقر على هذا الشريط لعرضها بحجمها الأصلى. الأبعاد الأصلية للصورة: 640x480. | (أنا والقمر) سعدالشرقاوى بصّيت فى وشْ القمر عينى رأت تجاعيد وناس كتير فى السما بتفكــّره بالعيد قال ماضى منىّ يمين ما اظهر ولو ساعتين وحبايبى متخاصمين ولاعادش سهرى يفيد ,,,,,,,,, طلعت فوق السطوح وناديت عليه بالليل كان أملى كتر النوح هايخلىّ قلبه يميل والزّاى يكون قاسى وعمره ماكان ناسى أتاريه شرب كاسى بايت وقلبه عليل ,,,,,,,, وصّيت عليه النجوم باتت تحايل فيه وتقول له ليه مهموم طاب قول لنا جرى ايه يامجمّع العشــّاق على لهفة الأشواق والكل لك مشتاق ياترى انت ساكت ليه ,,,,,,,,, قام قال تعبنى السّهر نفسى أدوق النوم ومرار قلوب البشر والجو كله غيوم حتى الناس الحلوين فى هلالى متواعدين من كام سنه نايمين طاب اعمل ايه يانجوم ,,,,,,,,, دانا اللى كاشف عيوب الكل ومدارى وبعينى شايف وساكت بس من نارى صحّيت قلوب نايمين وصالحت متخاصمين طلعوا اللى متفاهمين بيـبيعوا فى الشارى ,,,,,,,,,, الظاهر انّ الزمن غيّر قلوب الناس كان حب غالى التمن والقلب زىّ الماس صبح الهدف مكشوف وماعادش فيها كسوف وكتير نسوا المعروف وابن الاصول انداس ,,,,,,,,, | |
|
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: انا والقمر الخميس سبتمبر 01, 2011 1:10 pm | |
| الله الله ياعم سعد يا شرقاوى
اجمل عيدية تقدمها لنا فى العيد
كل سنة وانت طيب
ومبدع دائما لك منى كل التحية
والتقدير دمت بكل الود | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: انا والقمر الخميس سبتمبر 01, 2011 2:03 pm | |
| ياترى دا احساس القمر ولا احساس عمنا الاستاذ سعد الشرقاوي واعتقد ان الاحساس متبادل بس على العموم ايام ربنا كلها حلوة وان شاء الله على العيد الجاي القمر حيطلع بالنهار ومش بعيد يرقص نينجا والكل حيهيص دائما انت مبدع في طهى ما يحرك القلب ويمس الواقع
دمت بكل خير | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا والقمر الجمعة سبتمبر 02, 2011 1:00 am | |
| - الشاعر ناصر على كتب:
- الله الله ياعم سعد يا شرقاوى
اجمل عيدية تقدمها لنا فى العيد
كل سنة وانت طيب
ومبدع دائما لك منى كل التحية
والتقدير دمت بكل الود الاخ الاستاذ ناصر على تحية لمروركم العطر وتوقيعكم السعيد لقلوبنا بارك الله فيكم كل عام وانتم بخير | |
|
سامى شعير
من أصحاب المنتدي
عدد المساهمات : 389 تاريخ التسجيل : 19/08/2011 العمر : 58 الموقع : bombomail@yahoo.com
| موضوع: رد: انا والقمر الجمعة سبتمبر 02, 2011 2:13 am | |
| رائعه بحق استاذى القدير اسعد الشرقاوى
عجبى عليك يازمن ماشى بالمقلوب
الخسيس فيك عالى والاصيل مركوب
الحرامى فيك غالب والشريف مركوب
توهنا فيك يازمن قالو قدر مكتوب[b] | |
|
محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: انا والقمر الأحد سبتمبر 04, 2011 1:27 am | |
| الشاعر القدير / سعد الشرقاوي
أهكذا أنت مبدعاً دائماً
ودائماً عندما أقرأ نص من نصوصك الجميلة أجدني أسرح
وفي تلك القصيدة جعلتني أسرح مع القمر
يا قمر
إيه الجمال ده | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا والقمر الأحد سبتمبر 04, 2011 3:33 am | |
| - ماهر حامد كتب:
ياترى دا احساس القمر ولا احساس عمنا الاستاذ سعد الشرقاوي واعتقد ان الاحساس متبادل بس على العموم ايام ربنا كلها حلوة وان شاء الله على العيد الجاي القمر حيطلع بالنهار ومش بعيد يرقص نينجا والكل حيهيص دائما انت مبدع في طهى ما يحرك القلب ويمس الواقع
دمت بكل خير
يانجمه يااخت القمر بالليل حبيبى جاى من بعد طول السفر حايقضىّ عمره معاى ياريت تحوشى العزول وتبعديه عننا نسهر مع بعضنا واسقيه بايدى الشاى اخى الاستاذ ماهر حامد شكرا لمروركم وتواصلكم الكريم كل عام وانتم بخير | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا والقمر الأحد سبتمبر 04, 2011 3:37 am | |
| - سامى شعير كتب:
- رائعه بحق استاذى القدير
اسعد الشرقاوى
عجبى عليك يازمن ماشى بالمقلوب
الخسيس فيك عالى والاصيل مركوب
الحرامى فيك غالب والشريف مركوب
توهنا فيك يازمن قالو قدر مكتوب[b] والله وعاد القمر ويّا النجوم بالليل وعزمها عند الحبايب تسمع المواويل وخدها ع التحرير لمصر بلد الخير ورّاها حب كتير على شط نهر النيل الاخ الاستاذ سامى شعير زينتم الصفحات وجمل مروركم الكلمات فلكم خالص التحيات | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا والقمر الأحد سبتمبر 04, 2011 3:43 am | |
| - محمد عبد الواحد كتب:
الشاعر القدير / سعد الشرقاوي
أهكذا أنت مبدعاً دائماً
ودائماً عندما أقرأ نص من نصوصك الجميلة أجدني أسرح
وفي تلك القصيدة جعلتني أسرح مع القمر
يا قمر
إيه الجمال ده
طوّل عليّه السّهر وانا وحدى باستناك ولمحت نور القمر باصص من الشباك سألته فين الحبيب مارضيش يكلمنى ولقيتنى باجرى عليه وباقول له خدنى معاك الاخ الاستاذ محمدعبدالواحد كلمات من خلال مروركم تنزلعلى قلوبنا بردا وسلاما بارك الله فيكم ولاحرمنا تواجدكم الكريم | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: انا والقمر الأحد سبتمبر 04, 2011 1:41 pm | |
|
الرائع بحق عمنا الكبير سعد الشرقاوى
كتب ضمن رائعته أنا والقمر يقول :
الظاهر انّ الزمن .. غيّر قلوب الناس
كان حب غالى التمن والقلب زىّ الماس
صبح الهدف مكشوف وماعادش فيها كسوف
وكتير نسوا المعروف وابن الأصول انداس
كل ماخطته يدك جميل بحق ياعمنا ، تسلم
إيدك ويسلم فكرك ، وسلمت لنا .
دمت بكل الخير وتقبل تحيات أخوك
محمد البسيونى
| |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: انا والقمر الأحد سبتمبر 04, 2011 10:18 pm | |
| والله القمر من غيرك
ملهش أى لزوم
والبعد عنك بيخنق
والجو كله غيوم
والطله منك ياسيدنا
تنور ف القلب تسعدنا
م الهند للفيوم | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: انا والقمر الأحد سبتمبر 04, 2011 10:20 pm | |
| ملحوظه
تثبت بواسطنى لروعة الحرف | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا والقمر الجمعة سبتمبر 09, 2011 2:15 am | |
| - محمد البسيوني كتب:
الرائع بحق عمنا الكبير سعد الشرقاوى
كتب ضمن رائعته أنا والقمر يقول :
الظاهر انّ الزمن .. غيّر قلوب الناس
كان حب غالى التمن والقلب زىّ الماس
صبح الهدف مكشوف وماعادش فيها كسوف
وكتير نسوا المعروف وابن الأصول انداس
كل ماخطته يدك جميل بحق ياعمنا ، تسلم
إيدك ويسلم فكرك ، وسلمت لنا .
دمت بكل الخير وتقبل تحيات أخوك
محمد البسيونى
الاخ الشاعر الاستاذ محمد البسيونى مروركم اسعد قلوبنا واثلج صدورنا فلا حرمنا الله منكم | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: انا والقمر السبت سبتمبر 10, 2011 4:10 pm | |
| - عزة الزرقاني كتب:
- والله القمر من غيرك
ملهش أى لزوم
والبعد عنك بيخنق
والجو كله غيوم
والطله منك ياسيدنا
تنور ف القلب تسعدنا
م الهند للفيوم لو غاب علينا القمر مانت القمر ياعم ساعة ظهورك يعزّل والنجوم تتلم لو حتى ساعة غضب يظهر عليك الادب ماتقوللى ايه السبب خللاك خفيف الدم | |
|