قلنا نحاكمه
قال تعبان
ونام مارضيش
انا مهما اكون
كنت رئيسكم
وبتاكلو عيش
ازاى ياعالم
بعد العز
مالاقى العيش
الرحمه ياناس
انا تبت خلاص
سيبونى اعيش
كبرت ياناس
وعقلى احتاس
وبقول بشويش
ازاى وليه
وكمان على ايه
بتقول بشويش
سنين ف ذل
وأهر وغل
والعيش مافيش
رضينا بالهم
وعشنا ف غم
وكمان تلطيش
لو يوم نطقنا
وقلنا حقوقنا
نلاقى شاويش
يديها ضرب
تقولش ف حرب
وخادونا كلابيش
وأمن الدوله
واخدنا مقاوله
كأننا هيش
وماما سوزان
خلتها جنان
وبقينا دراويش
وجمال وغلاء
عايشين بغباء
واديها تطنييش
وشريف ونظيف
الطف يالطيف
نازلين تحوييش
من قوت الشعب
وحالنا اهو صعب
وبقولو مافيش
وعز وغالى
منهم بنلالى
وكمان تكوييش
لو يوم سألنا
وقلنا دا مالنا
ما نلاقى العيش
نسكت ع الظلم
نرضى بالهم
علشان نعيش
فين انت ياريس
تكونش مهيس
وتقول بشويش
[center]