ليه ياحبيبى تنسانى
وتسيبنى وسط اشجانى
وحيرتى تاخدنى وتجيبنى
وسايبنى ف نار
قضيت العمر احلم بيك
وطول الليل اناجى فيك
واشواقى تحن اليك
وفكرى احتار
وابعتلك ف كل لحظه جواب
اشواق وعتااااااااااااااااااااااب
مش كنا ف يوم احباب
وعشانك القلب خار
وقلت حبيبى ليه أسى
وحبى ليه كان ناسى
لغب بعواطفى واحساسى
اتاريه غدار
ولا كان الغدر ف ملامحه
اخاصمه انا وارجع اسامحه
وانسى قلبى اللى جرحه
واقبل اعذار
وانسى اللى عمله يوم فيا
وكمان اعامله بحنيه
ولا عمرى اشيل منه اسيه
ماهو قلبى اختار
ومهما عملت انت حبيبى
وانت قدرى ونصيبى
ولا ترضى تانى بتعذيبى
ولا اكون منهار
وترجع تانى تخاصمنى
اكلمك ماتكلمنى
وتسيبلى جرحك يألمنى
واعيش ف مرار
خلاص حبيبى نسيت حبك
واستعذبت مرار هجرك
ولا هارضى تانى اكون جنبك
بقى بينا اسوار