سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: يالله قومى يابلدنا السبت سبتمبر 10, 2011 4:28 pm | |
| (ياالله قومى يابلدنا) لسّه حاجْبه عنيكى عنىّ لسّه حالفه ماتشوفيش؟ ياللىّ ليكى غـُلبت اغنىّ انتى ليه مابتسْمعيش ؟ دا اللىّ صابك غصْب عنىّ مش بايدى ماتزعليش قولى للىّ افتكروا انىّ دمعتك ماتهمّنيش يـيجوا ياخدوا العمْر منىّ ويدُّوا مصر عشان تعيش ,,,,,, قومى يالله وفرّحينا ساكته ليه العمر فات؟ نايمه ليه ماخلاص صحينا وانتهى زمن السّكات ماحنا نمْنا أمّا استوينا وشوفنا فى الحلم الآهات واللىّ سادنا ماحسّ بينا والامان فى قلوبنا مات خلاص عرفنا اللىّ معادينا وسمىّ ظلمه بانجازات يبقى حانشوفه بعنينا ولسّه حانعيد اللىّ فات؟ ,,,,,,, حلمى بيكدّب ظنونى والحقيقه بين ايديّه واللى كارهينك عادونى وانتى أقرب منىّ ليّه أخدوا حقى وقسّمونى وقولت آ آآهـ ماسألتى فيّه مش وافقتى يسلــّمونى للعدو ومادفعش ديّه وف غدايا يحذرونى ألمس اللقمه الطريّه حتى فى القفصان غاظونى وغرّمونى المروحيّه ازّاى أهون والزّاى تهونى ودمّى عندك يبقى ميّه طاب لمّا هان دمعى ف عيونى فين حقوق الانسانيّة؟ ,,,,,, نفسى اشوفك واقفه تانى وتنهضى من فوق كفوفى ياللى من نومك باعانى وألمى بيدارى ف كسوفى عمرى مااسكت عن هوانى والخناق عوّر كتوفى وصدْقى هربان من الاغانى وزارع الكدب ف حروفى وفى النهاية يقولوا جانى واعترف من كتر خوفى لو عنيّه مدوّخانى فين عنيكى عشان تشوفى ,,,,,,,, قومى يالله وعلىّ صوتك وارفعى راية الكرامه وارفضى لحظة سكوتك من هنا ليوم القيامه يعرفوا ولادك حدودك يلبسوا توب الشهامه دى العدالة لوْ تفوتك حاتواليكى بظلم يامه صدّقينى بعد موتك العروبه بدون علامه قومى يالله وهاتى ايدك واطلعى برّ السلامه ,,,,,,, | |
|
سامى شعير
من أصحاب المنتدي
عدد المساهمات : 389 تاريخ التسجيل : 19/08/2011 العمر : 58 الموقع : bombomail@yahoo.com
| موضوع: رد: يالله قومى يابلدنا الأحد سبتمبر 11, 2011 4:36 am | |
| الآرض تحتى اتزلزلت وصرخه خارجه جلجلت وسط الجموع الحااشده فيييييينك يااااااااولدى الحلم جواااااااايا اتخنق والسهم صابنى واخترق وانت اللى ساكت من سنين مش تبقى سنننننننننندى كتير نهشوا ف لحمى سنين شايلاك ف رحمى سنين غارق ف السبات طب احمى عرضى
استاذ سعد
دعنى انحنى امام
جمال حرفك الراقى
رقى اخلاقك
زدنى اخى الكريم
حقا استمتع بحرفك
ايما استمتاع
دمت بخير اخى الغالى
ودام ابداعك[b] | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: يالله قومى يابلدنا الأحد سبتمبر 11, 2011 5:10 pm | |
| الله الله الله
استاذى وشاعرى المفضل سعدالشرقاوى
أسمح لى بتثبيت رائعتك اولا
ثم اعود لروعة حرفك وأبداعك المتميز
دمت بكل حب
| |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: يالله قومى يابلدنا الإثنين سبتمبر 12, 2011 1:37 am | |
|
مصر ترد على الشاعر سعد الشرقاوي
مين اللي قال ياسعد ساكته منتا عارف سبب سكوتي جرحوني كتير ويامه خربوا في قمحي وقوتي اللي باعني للأجانب واللي ساب الحبل غارب واللي سارق واللي ناهب واللي قال ياشيخه موتي اللي فرت في ترابي واللي دهور في خضاري واللي عازلني بجاري واللي بيّقتل في خوتي اللي سابني للديابه واللي شبهني بغابه واللي قال يالله السلامه واللي جهز في تابوتي ليه تلموني يا سعد لا لا تحطني في موضع ملامه وانت سيّد ابو الشهامه (والله لأشتكيك للقرموطتي)
ههههههههههههههه
الشاعر المخضرم عميد القادة الشعراء وملك ملوك التوته ايه الحلويات دي كلآتها مساء الفل يا باشا
| |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: يالله قومى يابلدنا الإثنين سبتمبر 12, 2011 11:33 pm | |
| - سامى شعير كتب:
- الآرض تحتى اتزلزلت
وصرخه خارجه جلجلت وسط الجموع الحااشده فيييييينك يااااااااولدى
الحلم جواااااااايا اتخنق والسهم صابنى واخترق وانت اللى ساكت من سنين مش تبقى سنننننننننندى
كتير نهشوا ف لحمى سنين شايلاك ف رحمى سنين غارق ف السبات طب احمى عرضى
استاذ سعد
دعنى انحنى امام
جمال حرفك الراقى
رقى اخلاقك
زدنى اخى الكريم
حقا استمتع بحرفك
ايما استمتاع
دمت بخير اخى الغالى
ودام ابداعك[b] الاخ الاستاذ سامى شعير وكلمات تزين النص وتكمل منقوصه وتسعد القلب وهذا دأب مروركم الكريم فلاحرمنا الله تواجدكم لكم تحياتى | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: يالله قومى يابلدنا الإثنين سبتمبر 12, 2011 11:44 pm | |
| الكبير الحج سعد الشرقاوى كتب ضمن ماكتبه
فى قصيدته الرائعه "يالله قومى يابلدنا" قال :
صدّقينى بعد موتك
العروبه بدون علامه
قومى يالله وهاتى إيدك
واطلعى برّ السلامه
ياعمنا والله أكتر من رائعه
تقبل تحياتى واحترامى لحضرتك
| |
|
محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: يالله قومى يابلدنا الإثنين سبتمبر 19, 2011 1:13 pm | |
| الشاعر المبدع الوطني / سعد الشرقاوي أحلي ما كتب عن مصر سلمت وسلمت يداك بارك الله لك وعليك | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: يالله قومى يابلدنا الأربعاء سبتمبر 21, 2011 1:43 pm | |
| - عزة الزرقاني كتب:
الله الله الله
استاذى وشاعرى المفضل سعدالشرقاوى
أسمح لى بتثبيت رائعتك اولا
ثم اعود لروعة حرفك وأبداعك المتميز
دمت بكل حب
ثبت الله قلوبكم علىالايمان عالية القدر والمقام الاخت الاستاذة عزه الزرقاتى لكم كل تحية واحترام
| |
|
أحمد راضى شاعر و ناقد
عدد المساهمات : 40 تاريخ التسجيل : 08/05/2011
| موضوع: رد: يالله قومى يابلدنا الخميس سبتمبر 22, 2011 6:10 am | |
| الله الله الله ياعم سعد والله تعظيم سلام والف تحية على هذا العزف الرائع الذى يحرك كل ماهو ساكن فى الوجدان والقلوب مااجملك من عازف يلمس اوتار القلوب ويداعب الوجدان ويخاطب العقول ويحرض كل نفس تحمل الحب لهذا الوطن للنهوض به والإرتقاء به لك تحياتى القلبية على هذه السيمفونية الرائعة احمد راضى | |
|
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: يالله قومى يابلدنا الجمعة سبتمبر 23, 2011 1:59 pm | |
| - ماهر حامد كتب:
مصر ترد على الشاعر سعد الشرقاوي
مين اللي قال ياسعد ساكته منتا عارف سبب سكوتي جرحوني كتير ويامه خربوا في قمحي وقوتي اللي باعني للأجانب واللي ساب الحبل غارب واللي سارق واللي ناهب واللي قال ياشيخه موتي اللي فرت في ترابي واللي دهور في خضاري واللي عازلني بجاري واللي بيّقتل في خوتي اللي سابني للديابه واللي شبهني بغابه واللي قال يالله السلامه واللي جهز في تابوتي ليه تلموني يا سعد لا لا تحطني في موضع ملامه وانت سيّد ابو الشهامه (والله لأشتكيك للقرموطتي)
ههههههههههههههه
الشاعر المخضرم عميد القادة الشعراء وملك ملوك التوته ايه الحلويات دي كلآتها مساء الفل يا باشا
الشاعر الجميل الاخ الاستاذ/ماهر حامد بكل الحب نستقبل ردكم الكريم والذى أعطى للموضوع جمالياته واكمل منقوصه دمت شاعرا مرهف الحس رائع الكلمة لك تحياتى
| |
|
علاء عبدالحق المازنى
من أصحاب المنتدي
عدد المساهمات : 64 تاريخ التسجيل : 17/08/2011
| موضوع: يالله قومى يابلدنا الخميس سبتمبر 29, 2011 4:42 pm | |
| [هحميك من الأعادى أعلى فوق وعالى زمن الذل خلاص ولى طلعت انا من سجنى كسرت الزنانين وفكيت كل قيودى عشانك يابلدى الاستاذ الشاعر الكبير سعد الشرقاوى تقبل مرورى علاء المازنى [/center] | |
|