الف سلامه على الاستاذة عزة الزقاني (للتواصل )

الف سلامة عليكي يا كَبيّره
والله اخدني الشوق والحيّره
لمّا قالولي الصحه بعافيه
وانك رابطه الراس بضفيره
الف سلامة عليكي يا كَبيّره
***
لا ياكَبيّره شدّي الحيّل
دنا من يومها دمعي كسيل
دنا من بعدك شفت الويل
وشطبت وقتي بطباشيره
الف سلامة عليكي يا كَبيّره
***
تليفونك على طول مقفول
وكام مره يديّني مشغول
وانت ياعزة بنت اصول
فين بيتك واروح فريره
الف سلامة عليكي يا كَبيّره
***
والله دي عين ولطشت فيكي
بدعي واقول ربنا يشفيكي
ويحلو المصباح على ايديكي
ولا نزهق ولا نعرف حيرة
الف سلامة عليكي يا كَبيّره
***
الف سلامه عليكي يا عزة
من غيرك ما بنحس بلذة
وقلوبنا مطعونه بغزه
وعنك ما بتنقطع السيرة
الف سلامة عليكي يا كَبيّره