1
سامحنى ياآدم
لأن العقل ماهوش مجنون
...
لأن العمر ماهوش مضمون
سامحنى يا آدم
لو مرة أتمردت
أونطقت جوايا الآهـــــه
لومرة نسيت خطوة رجلى مداهــــــا
يا آدم
لو مرة لقيتنى داخل ف متاهــــه
وتايه جواهـــــــــــا
أبعد عنى
اياك تلمسنى
اياك تتحرك وتمد ايديك وتغيتنى
انا عايزك تفهمنى
وتلملم حنيه قلبك وتفوتنى
أسجن جوايا الحلم الاخضر
2
سيبنى يا آدم
اسجن جوايا الخوف وأتمرد
...
سيبنى يا آدم
اسجن جوايا الانسان وأموت
سيبنى يا آدم
أسجن جوايا الخطوة العشمانه ف بكرة
سيبنى يا آدم
أهرب يوم من قبر قابيل
سيبنى ابوس رجلينه هابيل
وأقتل كل غراب ف الدنيا
حاول يحفر قبرى برجله
3
لما الورقه يا آدم تدبل
كل حروف الكلمه بتدبل
...
والانسان الصامت يرحل
يمكن يفضل
لكن دايما
اخر الرحله
خطوة تتوه من رجل صاحبها