راجعه تانى تكلمينى
وبأغلى حاجه تحلفينى
وكتير ياما بتسألتينى
بتجبنى --- ماحبتنيش
حاسه ممكن تخدعينى
وبكلمه واحده ترجعينى
اجرى عليكى وتحضنينى
انتى اصلا ماحبتيش
راجعه سابقاكى الدموع
ورسمه ع وشك خشوع
فاكره لسه فيه رجوع
الفين خساره مابتفهميش
رضيتى ليه انتى الفراق
ايام ماكان بينا وفاق
خلاص صحيت وقلبى فاق
دلوقتى انا مابحسكيش
نسيتى ايام الوداد
وشوقى ليكى والسهاد
وحالى ايه ف البعاد
وحبى ليكى مايساويش
انا اللى عمرى عشته ليكى
وقلبى كان مقفول عليكى
وحبى كان بين ايديكى
ازاى يضيع ---- مافكرتيش
خلاص ياقلبى الوقت فات
وحبى ليكى راح ومات
ونسيت كمان الذكريات
هارجع انا من تانى اعيش
قلبك خلاص بقى ع المشاع
اتحمليه هو اللى باع
عيشى وحدك ف الضياع
من قلبى اقولك ماترجعيش