شوفت اوباما

موضوع: شوفت اوباما الأحد سبتمبر 25, 2011 3:04 am

جه اوباما
جه اوباما00000جه اوباما
جاب معاه ريش اليمامه
رمزالسلام كان ناقصه حاجه
يالزّتونه 000يالحمامه
جه اوباما0000جه اوباما
,,,,,
جه يعدّل فى المثل
ومعاه مخدّه للكسل
والسّم فيه طعم العسل
ولسّه ياما نشوف ويامه
جه اوباما 0000جه اوباما
,,,,,
جه يجدّد فى العذاب
بعد فكر النّاس ماغاب
وخد معاه قلب الشباب
والهمّ يطوال عمره يامه
جه اوباما0000جه او باما
,,,,,
ياموحدين من فضلكم
ياريت تفوقوا لعقلكم
بجرس يوحّد صفّكم
فى الاعتماد على نفسكم
والكوره لسّه ف ارضكم
ولو الزّمان فى رآيكم
بينسّى فرح وحزن يامه
يبقى اهلا00يبقى سهلا
يبقى اهلا00بيك اوباما
,,,,,,
كتب هذاالنص فى 25/9/2009م
واليوم يتحدى القضية الفلسطينية

(شوفت اوباما)
شوفت اوباما وخفـّة دمّه؟
والزاى حق الناس بيهمّه
ياماحايلتـك لمّا قابلتـك
عايز الحق ياواد أوعمّه
جه ومعاه مشروع صهيونى
ولمّ لقاك فرحان بيْتمّه
جه ثـعبان يخطب فى شبابنا
وكل الناس شربت من سمّه
شوفت اوباما وخفة دمّه؟
,,,,
هوّه دا رجل السلام
اللىّ العرب بيأيدوه
هوّه دا الشهم الهمام
اللى ماشوفنا ف يوم أخوه
صعبان عليه يعلن حدود
بعد انتماؤه لليهود
دا الكرسى دايم للخلود
خللىّ الصهاينه ينجّحوه
,,,,,
أرض العروبه اتكلمت
والدنيا منها اتعلمت
بلاش مكابره حصون جبابره
فى نص ساعه استسلمت
هايثور عليك الامريكان
ويلعنك ظرف الزمان
ولمّا حايفوت الأوان
تلقى الولاد اتيتمت
,,,,
ياللىّ حق الفيتو عندك
فيه زباينك وائتلافك
والفلسطينى بطبعه
مش حايستنىّ اعترافك
كل عاشق للحياه
يلقى شعب الكون معاه
وكل دمعه وكل آآهـ
م اللىّ سمعك واللىّ شافـك
واللى كان مأجور لحبك
واللىّ مرّه ف مصر ضافك
,,,,,

[/size]كتب هذا النص فى25/9/2011م

والنبى جميل ياحج سعد

ماتبص لنا بصه كده على ملك الحيوانات

اللى مكلبش ده وعاوز ينطبق عليه المثل

اللى بيقول خربها وقعد على تلها !!

تقبل تحياتى وشد حيلك معانا شويه ياعمنا

دمت بكل خير .

» كتبت بمناسبة زيارة اوباما لمصر ...(ومشى الامام)