ولا غنا ولا صيت

<TABLE cellSpacing=0 cellPadding=0 width="100%" border=0>

<TR>
<td colSpan=2>ساعات بلاقي الشجر

في خصام مع ضله

وساعات بييجي القمر

معقود ... وبنحله

إديني ضهرك وانا

مش حقدر اطعن فيك

وان كان لسانك شوك

قبلن تزقله ... بله

...................

ولا غنا ولا صيت

دا الشعر عبيط

لا بيفتح باب

ماشي بقبقاب

من جنب الحيط

ولا غنا ولا صيت

دا الشعر حويط

بيقول : ياكلام

اخرك حتنام

زي الفتافيت

ولا غنا ولا صيت

دا الشعر غبيط

شايل احلام

بيدور ع اللي ياخدها بكام

ويبيع تقسيط

ولا غنا ولا صيت

دا الشعر سميط

ملح وكمون

وبعيد ع الجون

عامل شويط

ولا غنا ولا صيت

دا الشعر صويت

علي واحد مات

واحنا الاموات

زي الكبريت

ولا غنا ولا صيت

دا الشعر بسيط

ابسط م الجيــــــــ ..

ابسط م اللمس وم التحسيس

علي اي شريط

ولا غنا ولا صيت

دا الشعر سليط

بيشك ف ابره ف قلب الخيط

وينقر ع الباب العالي

نضطر نلمه ولا الكتاكيت

ولا غنا ولا صيت

دا الشعر نبيت

يسكرنا فنبقا ولا المساخيط

وتهيس ولا اجدع عنتر

وتقوم الصبح تكون بليت

ولا غنا ولا صيت

دا الشعر بيملا الجردل زيت

وبيرسم مكه واهل البيت

فتبوس العالم ضهر ايديك

علشان حجيت

ولا غنا ولا صيت

بالشعر قويت

فضربت دماغي في اقرب حيط

ومحدش بص علي الشخابيط

بالشعر بكيت

ولا غنا ولا صيت

دا الشعر أليط

مايحبش حد يعدل بيت

ويصحح ليه

غير لما ايديه

تغرق في الزيت

ولا غنا ولا صيت

دا الشعر شريط

علي طوله حكيت

محروقه الشاشه

لو استعميت

ولا غنا ولا صيت

بالشعر هويت

حبيت العالم واتحبيت

وعرفت الله

فوقفت معاه

من اول سبحانك وعافيت

ولا غنا ولا صيت

دا الشعر الخيط

ملضوم في النول

علي قد ماتعرف حاجه تقول

ماتقولش تعبت ولا استكفيت

بالغنا والصيت

_________________
http://attiashawash.maktoobblog.com/[url][/url]

</TD></TR></TABLE>

ولا غنى ولا صيت

الا ان بصيت

وعنيك الحلوة

قالت ع البيت

دا حروفه سليمه

وكمان ملضومه بحرير وبماس

مش بس مجرد حبة خيط

شاعرنا الراقى القدير
مهندس عطية شواش
لا املك ان اقول لك شيئا سوى الله
وتثبت بواسطتى لروعة االحرف ولى عودة لهذا الجمال
دمت بحب

ولا غنا ولا صيت

بالشعر داريت

حالى وخبيت

واهو جنب الحيط

انا هامشى واكتب ييجى كام بيت
----------------------------------------

خالص ودى وتحياتى لما خطه لنا

قلمك النبيل --

تقبل مرورى وتحياتى

ساعات بلاقي الجمال طارح مع وجودك

ياعم ياشواش زودني من جودك

يابوا الكلام العال والحكمه والموال

سمعني ميت موال وحسسني بوجودك

ياباشا انت مش شاعر

انت فليسوف كبير

كبير مهندسى الحروف أخى وحبيبى الشاعر عطيه شواش

يامبدع أدينى قفشتك ياحلو .. واحده بواحده

إيه الجمال ده يارائع ، وبرضه لازم الشطرات الناقصه بتاعتك

ماهو لو ماعملتش كده ماتبقاش عطيه شواش اللى احنا

عارفينه :

ابسط م الجيــــــــ ..

ابسط م اللمس وم التحسيس

ماشى ياباشا .

منور المصباح وأهلا بي فى أى مرور وماتغيبش علينا ياباشا

كده .

تقبل تحياتى واحترامى .

عزة الزرقاني كتب:

ولا غنى ولا صيت

الا ان بصيت

وعنيك الحلوة

قالت ع البيت

دا حروفه سليمه

وكمان ملضومه بحرير وبماس

مش بس مجرد حبة خيط

العزيزه والشاعره الجميله عزه اشكرك علي المرور والتثبيت ربنا يخليكي ليا يارب

سامى شعير كتب:

أستاذ / سامي شعير اشكرك علي مرورك الطيب

تحياتي القلبيه

ماهر حامد كتب:

ساعات بلاقي الجمال طارح مع وجودك

ياعم ياشواش زودني من جودك

يابوا الكلام العال والحكمه والموال

سمعني ميت موال وحسسني بوجودك

ياباشا انت مش شاعر

انت فليسوف كبير

شاعري الجميل / ماهر حامد

اشكرك علي المرور الكريم والنبي انت بتدلعني اوي اكتر من اللازم

علي العموم ربنا مايحرمني منك

تحياتي

محمد البسيوني كتب:

عمي العزيز محمد افندي بسيوني

سبتني ورحت فين ؟؟

مش ع الحلوه والمره كنا متعاهدين ؟؟

وبعدين انا لو اعرف انك هنا من زمان كنت جبت عزالي وجيت

تحياتي حتي نلتقي

شاعر عدد المساهمات : 220 تاريخ التسجيل : 14/07/2011

الشاعر المهندس الجميل / عطية شواش
الكبير كبير
قصيدة أحلي وأجمل وأعز من الغني ولا الصيت
دمت لنا مهندساً مشيداّ لأبياتنا الشعرية