الشاعر المرحوم سمير حسين غناء علا ماهر

رحم الله صديقنا الاستاذ

سمير حسين

ما تردوا يا ناس علينــــا
وحــــــد يقولنــــــــــــــــــا
الحـــــــــلو ليـــه سايبنـــا
وفايتنــــا لوحـــــــــــــــدنا
هو ما فيش حلــــــو غيره
يا ناس ف حينـــــــــــــــــا
طب حـــــد يشوف حكايته
وييجى يقولنا
...
قولولوا بــــــلاش قساوة
ويخليـــه زينـــــــــــــــــــا
دا الطبع الحلـــــــــــــو هو
راس مالنــــــــــــا ومهرنا
على طـــــــول سايق دلاله
ولا يوم نخطـــــــــــر بباله
طب حـــــد يشوف حكايته
وييجى يقولنا
...
بلاش البعــــد عنـــــــــــــا
وقــــــــــــــــرب مننــــــــا
وبطل تـُقل حبـــــــــــــــــه
وفـــــــــــــرح قلبنـــــــــــا
ولاّ مكتوب علينــــــــــــــا
إحنــــــــا بس اللى نعشق
وكـــــأنك مُش هنــــــــــــا
طب حــــد يشوف حكايته
وييجى يقولنا
...

الله الله الله

الله عـلى صـوت الآنـســـة عُـلا

أنا قـلت قـبـل كــدا إنـهـا ســتـكــون مـطــربــة المـســتـقـبــل فــى مـصــر

والله عـى الكـلام الجـمـيــل للصـديـق الـراحـل البـاقـى فى قـلـوبـنـا

( سـمـيـر حـســـيـن )

والله عـلى الفـيـديـــو ولـو إنـى مـش عـارف إنـت يـاأسـتـاذ مـاهــر

ولاِّ الـبـاشـمـهــنــدس عـلى الـلـى عـمــله

كـل التـحـيـــة عـلى لـحـنــك الجـمـيـل

كل التـحــيــة لأســرة المــاهــر

لكـم مـنــى المــودة
حمدى شـبـانـة

لست أدرى لماذا كلما ذكر اسم الشاعر سمير حسين
تدمع عيناى
برغم عدم معرفتى له
حتى أننى لا أذكر أنه قام بالرد على ولو مرة واحدة
ولكن لأننى كنت ساعتها جديد على المنتدى
ولكنى تعودت أن أجد اسمه فى المتواجدين
حتى أنى بعدما وافاه الأجل كتبت
(( وسقط اسماً عزيزا )
رحم الله الشاعر الكبير
وشكراً لأستاذنا ماهر حامد ولأسرته الكريمة

.

يا سيدي

انا عاوزها تكون مطربة بيت بس بعد الشهادة طبعا

ورحم الله الاستاذ سمير حسين الذي ما يزال رقمه على الموبايل
ومكانه في القلب كما هو

وطبعا على ماهر

احنا نعرف نعمل حاجه

ولا احنا اده يا عم حمدي

دا المدير العام

يجعل كلمنا خفيف
وربنا يستر وما يدخلش يحذف لي مشاركتي

ههههههههههه

مشرف عدد المساهمات : 264 تاريخ التسجيل : 07/05/2011

تسلمي يا علا الجميلة على صوتك العدب الرقيق
وتسلم يا اخي ماهر لهدا الاختيار الرائع

شكرا اخت حنان كل المودة والتقدير

ملحوظه

تم التثبيت بواسطتي

طيب قوللى ياأستاذ ماهر أنا اسمع إيه

إذا كان أصلا مفيش فيديو !؟ هو فين ؟

والله في فديو بس اصبر دقيقه

امال حنان سمعت ازاي والاستاذ جمدي شبانه

عن طريق القمر الصناعي

هههههههه
بمزح

مساء الخير ياماهر بيه

من يوم الجمعه لحد النهارده ولسهشش

الدقيقه ماخلصتش !؟

دقيقتك بتلات ايام !؟ دا انت غلبت

الحكومه ، ولا انت عاوز تعمل رقم

قياسى عشان تضرب رقم الحكومه

ههههههههههههههههه

برضه هااستنَى ، أنا باهزر معاكش

(على فكره خاصية الرسائل

لاتعمل ، رجاء المراجعه للتأكد

مع جزيل الشكر

يارب يكون الكمبيوتر بتاعك راضي عنك
وتستطيع سماع الاغنيه

لان والدليل ان انا شايفه وسامعه
والاستاذة حنان النجار كلامها بيدل على ان اليوتيوب موجود

اللة يرحمة

كلمات جميلة وصوت الأنسة علا أجمل

أسرة فنية متكاملة شعرا ولحنا وطربا

ماشاء الله الله يبارك عقبال ماتغنوا من أشعارى

تحياتى لكم

» بكائية ماهر حامد ( بمناسبة ذكرى الشاعر سمير حسين )
» أنا انسان غناء علا ماهر
» نفسك تشوف النبي
» وحشتيتي / ماهر حامد
» تعرف لما بقابلك ؟ غناء محرم فؤاد