ماهر حامد
خادم المصباح
عدد المساهمات : 2082
تاريخ التسجيل : 07/05/2011
 | | موضوع: وداعا للشاعرالأستاذ احمد الشربيني الإثنين أكتوبر 24, 2011 2:04 am | |
|
من روائع الشاعر المتألق
المرحوم
الاستاذ احمد الشربينى
وحـــبـيـتــك
وحبيتك..
وغير حبك ماعندى بديل
وحبيتك وانا
– حتى –
فى حضن الليل..
فى ضحكة طفل حيرانه
فى لهفة أم سهرانه
بتتمنى,وتستنى..
يعود الفجر من تانى..
مع المواويل.
ياموالى ياغنوة ناى..
لكل الناس باغنيها,
ياكلمة حق تتردد ,
فتتجدد معانيها,
وحبيتك..
ياساقيه عشق تروينى,
ياصوت بالحب يشجينى ,
ولا غيرك ,
وغير حضنك..
يدفينى
فى ليل البرد حبيتك
فى عز الشرد حبيتك
ونادينى ,تلاقينى..
فى وقت الشده لبيتك,
وحبيتك..
وترجع تانى ايامك,
تحقق صعب احلامك..
يهون الصعب ياغاليه,
تهمى وتصلبى عودك,
وتفضل كلمتك.. عاليه,
واحس بنفسى فى وجودك,
وحبيتك..
يازرع اخضر
بيتمخطر بازهاره
يانيل اسمر..
كما السكر فى مقداره
ومادنه عاليه بتكبر
تنادى قلوب بتستغفر
قلوب طاهره,,
تصير اطهر,
وحبيتك
يالقمة عيش وفيها الملح,
ياضله ف غيط..
يفيض بالقمح
واشوفك فرح
فى وقت الجرح
يدوب الليل مع نهارك,
وتعلى ويعلا مقدارك
ولو ليلى يطول بى,
لابد اوصل لباب دارك
وحبيتك..
ياطلة شمس بتصبح
وبتصحصح..
جيران بيتك
يابستانى ياورد وفل
علينا يطل,
ولما يهل,,
اشوف طفلك بيتنطط,
ويتشعبط..
على حجرك,
ويغطس فى امان صدرك
ومن ريحتك..
بيتنفس..
نفس جامد ,
يقوم فارد د راعاته,
وينده ندهة لاخواته,
ودمك يجرى فى عروقه,,
كما صبحك,
وهو يطل بشروقه,
يطاطى لاجل يرضيكى,
وبعنيكى تشاوريله..
عشان يرفع ..
جبينه..لفوق,
ولايطاطى,
ولا يطاطى,
ولا يطاطى,
وحبيني
رحم الله
شاعرنا الفقيد
أحمد الشربينى
| |
|
عزة الزرقاني
من أصحاب المنتدي
عدد المساهمات : 816
تاريخ التسجيل : 22/06/2011
| | موضوع: رد: وداعا للشاعرالأستاذ احمد الشربيني الإثنين أكتوبر 24, 2011 2:19 am | |
| رحم الله شاعرنا الكبير
أحمد الشربينى الذى سيظل
عايش فى قلوبنا مدى الحياة
رحمه الله وأسكنه فسيح جناته
| |
|
ماهر حامد
خادم المصباح
عدد المساهمات : 2082
تاريخ التسجيل : 07/05/2011
| | موضوع: رد: وداعا للشاعرالأستاذ احمد الشربيني السبت أكتوبر 29, 2011 10:40 pm | |
| الأستاذة / عزة الزرقاني
بارك الله لنا في مروركم
والتواجد
كل الود والتحية | |
|
