الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: قصيدة ( بحبك يا بلدى ) الإثنين أكتوبر 31, 2011 10:48 pm | |
| قصيدة ( بحبك يا بلدى )
--------------------------
بحبك زى نخلة تتمايل
ولا تطاطى
وحتى لو رموكى بالرصاص الحى
او حتى مطاطى
يا نخلة مزروعة
ف حضن التاريخ ع النيل
طول ما انتى عالية
سيبك من الواطى
*****
بحبك زى طير عشش
على ولاده
بجناح سنابل دهب
والطرح فى ميعاده
لو التاريخ محتاج لنورك
نورى الصحبة
اصل التاريخ ابتدى
عندك وبميلاده
*****
بحبك زى نسمة نادية
فوق جبال الصبر
ضحكة وصداها
يمحى نار الغدر
يا سوسنة خضرا
وناضرة وعفية
انا كل ما انبش وافتش
بالقاكى ف كل حرف وسطر
*****
بحبك زى مادنة
طرحها تكبير
وأدان واخدنا
من صغير لكبير
يا ام الغلابة
ياطيبة وطاهرة
متفرقيش بين الوزير
وغفير
*****
بحبك زى زغرودة
لبنوتة بحنتها
مالى عنيها الخجل
وعارفة سكتها
ومسلسلة الخوف
حبساه فى زنزانة
وعمرانة اليالى
مع صفو ضحكتها
*****
بحبك زى صرخة
تصيب كما المدفع
دول مش ولادك
اللى خانك واللى
عاش يرتع
دوول مهما بدلوا
الوشوش خاينين
اصل السماح للخسيس
عمره ما بينفع
*****
بحبك شمس طوبة
مش رياح امشير
بحبك خير بؤونة
وزقزقة عصافير
يا صفصافة على الترعة
ضللها شاهد
ودافن تحت طينه
الاف زعابير
*****
بحبك ومش عارف
بحبك ليه
بحبك يا واخدانى
فى قلب التيه
بحبك وانتى مش
عارفة ومش دارية
بحبك موت
يا اسرانى
يا بنت الايه
يا مصر بحبك
........................
ناصر على توفيق _ سوهاج
________________ ___ | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: قصيدة ( بحبك يا بلدى ) الخميس نوفمبر 03, 2011 4:48 pm | |
| الشاعر الأستاذ ناصر علي كلمات رومانسيه صافيه وصادقة المعني كتبت بحرفة وجمال شاعرمتألق
كل ودي وتحيتي
| |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: قصيدة ( بحبك يا بلدى ) الأحد نوفمبر 13, 2011 7:41 pm | |
| [b
]الله الله الله
الشاعر الرئع ناصر على
انا جايه أظهر اعجابى
لجل ما اشارك احبابى
واروح وارجع لك تانى
بحروف بسيطه وربانى
[/b] | |
|