أغانى

((1))
الشعبية
أشهدوا
اشهدوا يا اهل الله مابينى وبين حبيبى
مين فيكم حاسس بى مين فيكم داريبى..؟
وقولوا كلمة حق أنا اصلى عشمان فيكم
كلام الحق حق حتى على رقبيكم
ومش هزعل ولا ابعد لو اللوم نصيبى
أنا كنت شموع فى ليله كنت امانه ودليله
لا بيسأل أو بيجى ولا حتى بعت لى اجيله
ده انا كنت بغنى فرحه وعنه الحزن اشيله
دلوقتى قولولى ليه بالقسوة يزيد لهيبى
اشهدوا يا الهل الله مابينى وبين حبيبى
أنا كنت عملت ايه استاهل بيه الخيانة
ده انا كنت منه ليه حبيب شارى بأمانة
ليه يقسى وبإديه يطوى صفحات هوانا
ده فى عز جراحه ليا اسامحه واقول طبيبى
اشهدوا يا اهل الله مابينى وبين حبيبى
.................................................. .
((2))
الدينية
انت القوى

بدعيك انا..
وحواسى ليك مستسلمة
ونبضات عروقى -ياربنا-
بيك مؤمنة..
طايع لامرك
فى لسانى ذكرك
وكيانى مشدود لك
وجبينى حاضن للتراب
-يارب- يسجد لك
انت القوى,بيك بحتمى
طمعان قوى فى عدلك
يارب سبحانك
علا فى الوجود شانك
وانا اصلى علشانك قادر فابحتاجلك
بدعيك وانا حابب
الخير يكون صاحب
فى الجنة انا راغب
طمعان فى حسن الخاتمة
بدعيك انا
.................................................. ..
((3))
سلو
وانت معايا وحشتنى

قربنى ليك وضمنى
ياللى فى عنيك عيشتنى
المس ايديا وبص لى
أنا بيك بعيش
أنا بيك بحس بدنيتى
وشموسى انت وضلتى
ورضايا انك ترتضى
غيرك ماليش
خلينى دايماًبين ايديك
حاضن هواك عينى فى عينيك
بيسألنى قلبى كتير عليك
ويقول بحبه وحبنى
أنا حبى ليك عدا الحدود
وحياتى بين عطر وورود
قربنى حليلى الوجود
وانت معايا وحشتنى
........................................
((4))
وطنية
مصر أصل

مصر أهى
عمرها ماهتبقى كانت
مصر اهى
شمسها فى الدنيا بانت
مصر اهى
صبر عزة شموخ صمود
وقوية حتى ان مرة لانت
مصر بكرة وبعد بكرة وكل يوم
مصر تقدر ع الضلام وعلى الغيوم
مصر فى الأرض الكنانة
مصر فى الدنيا النجوم
فى القلوب معنى ومكانة
فى الأدب أو فى العلوم
مصرنا ولا مرة هانت
مصر اصل واصلها مالى الوجود
مصر جنة ارضها ملهاش حدود
مصرنا النيل والهرم
والشباب قوة اسود
فى الجبين اسم وعلم
فى الحروب عزة وصمود
مصرنا ولا مرة خانت