عـــــــــــايز نصـــــــــيبي

عايز نصيبي

عايز نصيبي فى اللى راح
وقت الجراح
فـ سنين عيشناها غضب
فيها العظام صارت حطب
حطمها كرسي السلطنة
جوعها سجّنها وضرب
عايز نصيبى اللى انشطب
.....
عايز نصيبي في الهوا
قبل الدوا
وجنان بدأناها نوا
نحفر سوا
نغرس سوا
ما حصدنا منها غير تعب
عايز طُفولتي واللعب
عايزنصيبي في الأمان
لما زمان
كنا نكلم نفسنا
كان أقصى حاجه حلمِنا
كان السكوت في دمِّنا
كان السكون مـيزه لنا
كنا بنعشق ضعفنا
ولا همنا مين اللى خان
ولا مين جعان
ولا مين نهب
ولا مين معمر ثروته
وبلدي خرب
أنفاسنا فهموها شغب
آهاتنا سمعوها طرب
.....
عايز نصيبي في الكلام
وازاي فزعنا في المنام
حبة لئام حاربوا الأدب
شافوا الإيمان هو السبب
يادي العجــــــــــــــــب !!
...
عايز نصيبي
من حياة عمري الجميل
ساعة أصيل
كبت الهموم َبكّا الخليل
شيء مستحيل
خلا خيوط الشمس
زادت فى اللهب
ياشمس بزيادة وجع
ماتخفي نارك ع الجدع
بتزيدي حر المطحنة
وتطري جو المنتجع
ونا باشتهي ساعة غروب
على شط نيل
أسرح وادوب
زي اللى سرقوا الأرض
منك والدهب
ولحد عندي أشوف أوام
ضلك ذهب
...
عايز سعاتي والدقايق
والثواني
وكل لحظة من حياتي
وكل فيمتو من آهاتي
ياللي ضيعت الأماني
عايز نصيبي في المواني
والمباني والأواني
والدفا قبل الوفا
مش عيب تبات جوه القصور
وتسيب لمسكين أرصفه
صبحت حياتي مِزَفزِفا
مع خنقتي
سديت مسالك سكتي
سهلت مقتل عزتي
ونا بلوتي متكلّفا
وماَشفت منك غير قفا
النهر من ظلمك جفا

والشهد وصلت له المرارة
عايز نصيبي فى الحضارة
فى التقدم فى الصناعة
فى الزراعة والتجارة
تلاتين سنة ....
تلاتين سنة بين الأمم
ملناش عِبارة
عمال تزيد فينا الخسارة
وبركت أمراض البطالة
وبس شاطر كل خطبة
تتعوج وتقول حضارة
الأهرامات الأهرامات
الأهرامات الأهرامات
......
هي كات طلعت شيطاني
وللا ورث أبوك فى حارة
لاانت شارى ولا انت باني ولا انت دارى
بس جـــــــــــــــــــــــــــاني
دا انت يا حسنى خربها بالدعارة
والسياحة اليوم بارات
فى الأهرامات الأهرامات
.......
عايز نصيبي فـ اللى ضاع منك وفات
فـ التاريخ اللى انطعن بإديك ومات
عايزه كامل موش فُتات
ياللى أفسدت الإدارة
وفتحت أبواب الفتن
ياللي انت بارع في المحن
عايز نصيبي عن سنين
غربه اشتهيت كلمة وطن
وبكيت ياريت
يبقالي بيت
وشقيت عشان فقرك
فتن
وجناب سيادة حضرتك
ناوي في قصرك تندفن
عايز نصيبي ..فـ الكفن
طب جبته إيه ..؟
طبعاً أكيد مش مـ الرُخاص
وأكيد كمان ضد الرُصاص
مليان جيوب مليان ِخزَن
يابن الـ (وزير) ُدوبنا خلاص
لقمتنا بناكلها عفن
يامصر فينك من زمن
.....
اللى انسرق مش كان فلوس
دى مصر تصنع مجدها
تطرح شباب
تزرع كنوز
اللى انسرق كان الأمان
سرقوا الشرف جوه النفوس
كان اللى ضاع همّا البشر
مَالهم مكان بين السطور
ولا احترام عند التتر

محمود بسيوني
السعودية - الخرج
15/06/2011

الشاعر الأستاذ محمد بسيوني

اهو دخل قناة السويس اذداد
وعمل ربح

بس ياترى حيدوني نصيبي

ولا كالعاده

عدسه رائعه بصور جميله وتقصيل لحال حقبة حمراء من صاحب اول ضربه ارضيه حسني مبارك

منه لله
كل مودتي

[/center]

كلمات جميله ومعانى رائعه

ملئت سطورك خاطرتك الراقيه

دمت ودامت روعتك

دمت بحب

عزيزى الشاعر الجميل

محمود بك بسيونى

تحياتى لك أيها القدير

قصيدة هادفه وجميله ، فكرتنى بفيلم( عاوز حقى )

وعلى فكره اسمح لى أنا تدخلت فى القصيده وقمت

بتعديل بعض الحروف البسيطه الزياده والتى تؤثر

بالسلب على جمال القصيده ، وهذا لأنى أعلم

علم اليقين أنك ستؤيدنى فى ذلك .

رائع ياحج محمود ودمت بكل الحب ، وأرجومنك

الدخول بالمشاركه فى التعقيب على أعمال كل

إخوانك حتى يتدخلوا هم أيضا بالمشاركه والتعقيب

معك ليحدث التفاعل المطلوب بين الجميع فى

المنتدى ، وبالتالى نجنى الفائده المرجوَّة .

دمت بكل الود والإحترام أخى الفاضل وشكرا على

متابعتك ومداومة إسهاماتك .

ماهر حامد كتب:: الشاعر الأستاذ محمد بسيوني

اهو دخل قناة السويس اذداد
وعمل ربح

بس ياترى حيدوني نصيبي

ولا كالعاده

عدسه رائعه بصور جميله وتقصيل لحال حقبة حمراء من صاحب اول ضربه ارضيه حسني مبارك

منه لله
كل مودتي

أخي العزيز الشاعر القدير الأستاذ ماهر حامد

يبدو ان مصر مكتوب عليها النهب

ولكن لن نسكت ان شاء الله على المفسدين بعد أن زقنا عبير الحرية

أشكر مرورك الكريم ايها الشاعر الرائع وتقبل خالص تحياتي

[/center]

عزة الزرقاني كتب:: كلمات جميله ومعانى رائعه

ملئت سطورك خاطرتك الراقيه

دمت ودامت روعتك

دمت بحب

أختي العزيزة الشاعرة القدير عزه الزرقاني

أسعدني مرورك شاعرتنا الجميلة

ثنائك على العمل منقبه أعتز بها

دمتي بخير

أخي وصديقي الشاعر المُبدع.....محمود بسيوني
طبعاً أنت تعرف رأيي مُسبقاً في قصيدتك التي أقل ما يقال عنها أنها تأريخ صادق ودقيق وشامل ومفصّل لفترة عصيبة من تاريخ مصر بكل ما فيه من فساد وإفساد وعناء شعر به وعاناه الصغير قبل الكبير
ولأنّك شاعر مُتمكّن من أداوته الشعريّة إلى هذا الحد فقد جاءت نظرتك عميقة إلى هذه الدرجة وأبحرت في الفكرة بإحتراف وتناولتها من كل جوانبها مع الحفاظ الشديد على الوزن والموسيقى دون أن تُشعر المتلقي بالملل بل كنا ننتظر بكل الشوق مع كل بيت من قصيدتك الأبيات التي تليه
دُمت بهذا الإبداع والإمتاع والإشباع الذي تعودّناه منك في كل مكان كنت
محمود...ياريت تنزلها فيديو عشان الناس تستمتع بإلقاء الممتع

الشاعر الجميل
محمود بسيونى
تحياتى ياجميل
نص ممتع وجميل
وغنى ..
تسلم حبيبى
عصام

محمد البسيوني كتب:: عزيزى الشاعر الجميل

محمود بك بسيونى

تحياتى لك أيها القدير

قصيدة هادفه وجميله ، فكرتنى بفيلم( عاوز حقى )

وعلى فكره اسمح لى أنا تدخلت فى القصيده وقمت

بتعديل بعض الحروف البسيطه الزياده والتى تؤثر

بالسلب على جمال القصيده ، وهذا لأنى أعلم

علم اليقين أنك ستؤيدنى فى ذلك .

رائع ياحج محمود ودمت بكل الحب ، وأرجومنك

الدخول بالمشاركه فى التعقيب على أعمال كل

إخوانك حتى يتدخلوا هم أيضا بالمشاركه والتعقيب

معك ليحدث التفاعل المطلوب بين الجميع فى

المنتدى ، وبالتالى نجنى الفائده المرجوَّة .

دمت بكل الود والإحترام أخى الفاضل وشكرا على

متابعتك ومداومة إسهاماتك .

أخي العزيز الشاعر القدير محمد بيك البسيوني

أولاً تقبل أعتزاري الشديد عن تأخر ردي

أسعدني مرورك أستاذي الفاضل وتشريفك على عملي المتواضع

وراق لي ما قمت به من تعديل فملاحظاتك في محلها

غير أني أختلف معك فقط في حزف كلمة ( يادي العجب )

وأنا سعيد جداً أن نالي عملي أستحسانك أستاذي القدير

أكرر أعتزاري أخي الكبير عن تأخر ردي

رضا محمود كتب:: أخي وصديقي الشاعر المُبدع.....محمود بسيوني
طبعاً أنت تعرف رأيي مُسبقاً في قصيدتك التي أقل ما يقال عنها أنها تأريخ صادق ودقيق وشامل ومفصّل لفترة عصيبة من تاريخ مصر بكل ما فيه من فساد وإفساد وعناء شعر به وعاناه الصغير قبل الكبير
ولأنّك شاعر مُتمكّن من أداوته الشعريّة إلى هذا الحد فقد جاءت نظرتك عميقة إلى هذه الدرجة وأبحرت في الفكرة بإحتراف وتناولتها من كل جوانبها مع الحفاظ الشديد على الوزن والموسيقى دون أن تُشعر المتلقي بالملل بل كنا ننتظر بكل الشوق مع كل بيت من قصيدتك الأبيات التي تليه
دُمت بهذا الإبداع والإمتاع والإشباع الذي تعودّناه منك في كل مكان كنت
محمود...ياريت تنزلها فيديو عشان الناس تستمتع بإلقاء الممتع

أخي العزيز الشاعر القدير الاستاذ رضا محمود أولاً سا محني على ان تأخرت عليك بالرد وأنا أعلم جيداً أنك ستعزرني لانك تعرف جيداً ما أمر به

اطريتني يا أستاذ رضا بما ليس فى

ويبقى لي شرف ثنائك على العمل

وإن شاء الله أجد وقت لنشر القصيدة ملقاه ا

أسعدنى جداً مرورك وأكرر أعتزارى لك مرة أخرى

عصام سالمان كتب:: الشاعر الجميل
محمود بسيونى
تحياتى ياجميل
نص ممتع وجميل
وغنى ..
تسلم حبيبى
عصام

أخي العزيز الشاعر القدير الاستاذ عصام سالمان

شرفني مرورك يا عزيزي وكل الشكر لك

وتقبل أعتذاري على أن تأخرت عليك فى الرد