الشاعر محمد وفيق
عدد المساهمات : 16 تاريخ التسجيل : 20/11/2011
| موضوع: انا خايف الأحد نوفمبر 20, 2011 12:28 am | |
|
((( عزيزى وعزيزتى لاول مرة اشعر اننى اود الاسف لكل من يخالفنى وجهة النظر ولاول مرة ابدا قصيدة لى باعتذار نثرى ولكن هى وجهة نظر واحساس تملكنى فخرجت كل هذه الكلمات من قلبى ولا دخل لى بها انه قلبى يحدثها اشكر كل من يمر على كلماتى واشعر من اختلف ومن اتفق معى فى خوفى....محمد وفيق )))) ايوة انا خايف اه والله بجد انا خايف ماشى بقالى سنين وياكى بس تعبت ليه مش عارف ليه مابقتش اللمة الحلوة جامعة الناس بالليل على غنوة ليه مابقاش حد يقول خير لما يكب صينية قهوة ياما انا قولت زمان ونصحتك قولت اتانى وامشى براحتك ووقت ماحد يقولك قولى واجهى الناس كلها بصراحتك واجهى وقولى العيب جوانا بقوا اصحابنا همه عدانا واتحجرت الدمعة فى عيننا مابقاش فيه احساس يملانا وانا بصراحة فاض بى الكيل كل كلامنا بقى تمثيل حتى الضحكة جوة الصورة طالعة معاكى بدم تقيل انتى سفينة نجم يا حلوة اللى عشانها كتب الغنوة اللى اتعذب لجل يقولك انه فداكى لانك هوه حتى سرور فكراه بكلامه لما طهق من كتر غرامه قالها صريحة بكل وقاحة لما انكشف العيب قدامه ولا حاقول على مين او مين وانتى حبيبة للملايين بس الصبح بتوعظى فيهم وبعد الضهر تسبى الدين حتى كمان انا شاكك فيكى شوفتى وصلنا لاية باديكى كله يشك فى بعضه ويشتم كله بقى تقفيل امريكى خدنا سلاحنا وقولنا نحارب بس الناس اخدوها تجارب وبدال مايحاربوا اعاديكى ضربوا فى بعض الشعب الخايب كل خناقة يموتوا شوية واحد خمسة ساعات باللمية علشان عيل ضرب التانى صبحت جوة سطور فى قضية وانا والله ماعايز اتكلم قولت كتير ولا حد اتعلم علشان كده قررت اعيشلك وابقى معاكى اصم وابكم مانا خلصت وقلبى وجعنى من اللى نصفنى وم اللى خدعنى حاجة خلاص شلت تفكيرى هدد قلمى وقال حايبيعنى شوفتى خناقة ناس على عيش شوفتى المنظر على الكورنيش ولا شباب قاعدين فى قهاوى يشربوا شيشة عليها حشيش لا استنى حاقولك تانى اشمعنى انا وحدى اللى اعانى اسمعى بقى كل اللى حاقوله مانتى خرمتى ياما ودانى شوفتى الحزن فى وش جعان شوفتى القسوة على الغلبان شوفتى الطيبة وهى مسافرة لما بقينا وحوش وغيلان لسه استنى حاطلع عينك ماحنا بقالنا سنين سايبينك قولنا تحسى وتعملى حاجة بس طلعنا مش همينك عايز اجيب جورنال فيه حوادث وشوفى بعينك تلقى كوارث شوفى كام واحد قاتل اهلة ومين على ناسك عالى ودايس كله جعان الا الحرامية ولا عاد فول ولا فيه طعمية كل الناس مستنيينك فاكرين ليهم عندك دية بس حاصلى اكيد وادعيلك يطلع بدر ينور ليلك حادعى لقلبى يروق يتطمن لما يشوف الضحكة فى نيلك
| |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: انا خايف الأحد أبريل 01, 2012 7:11 pm | |
|
عزيزى الشاعر محمد وفيق
تحياتى واحترامى
وجدت هذه الرائعه فى الشعر الساخر ، ووجدتك تعتذر قبل كتابتها
على اعتبار أنها ليست ذى شأن ، وحقيقة وجدتها رائعة ومعاتبه
بشكل جميل ، فأردت أن أنقلها لباب الشعر العامى ليشاهدها أكبر
عدد من الزملاء ، فهى تحتاج الإهتمام .
تحياتى لك أخى الفاضل الشاعر محمد وفيق .
ملحوظه : تثبت بمعرفتى لجمال الحرف والأسلوب
[/b] | |
|
حمدى شبانة
من أصحاب المنتدي
عدد المساهمات : 501 تاريخ التسجيل : 07/05/2011 العمر : 61 الموقع : الـجــيــزة - أُم الدنـيــا
| موضوع: رد: انا خايف الأحد أبريل 01, 2012 9:09 pm | |
| إذا كـان الأســتـاذ عـمـار الـشـريـعــى
صـاحــب لـقــب ( غـواص فـى بـحــر الـنـغــم )
فـإن إســتـاذنـا مـحـمــد الـبـســيـونـى
غـواص فـى بـحــر الـكـلـمــات
فـهـاهـو يـســتـخـرج لـنـا مـن أعـمـاق الـمـصـبـاح
نـصــاً رائـعــاً بـحـــق
وإلـى الأســتـاذ الـشــاعــر
مـحـمـد وفـيـق
صـاحـب الـنـص الـجـمـيــل أقــول :
أحـســنـت يـا شــاعــر ومـؤكـد أنـه سـيـكـون لـى
مـشــاركــة آخــرى حـول نـصـك الـرائــع
كــل مــودَّتـى حـمــدى شـبـانـة | |
|