الشاعر محمد وفيق
عدد المساهمات : 16 تاريخ التسجيل : 20/11/2011
| موضوع: كفين الأحد نوفمبر 20, 2011 12:41 am | |
| خبطت كفين على كفى ورزعت دماغى فى الحيطة لا كفوفى خبطتها بتشفى ولا ليها نتيجة غير زيطة واهى كده بالظبط البولوتيكا مع بس شوية ماسكات وبكرة حانصبح انتيكا موجودة فى كل البوتيكات لو حد فاهمنى يقول حاجة حسسنى ان انا مفهوم مش عارف حاسس بسذاجة وانا باشرب بيبسى بخرطوم انا حاسس انا سخن باخرف انا شايف العفاريت دى لواحدى حلفتك جاوب لو تعرف ماعرفتش عديها وعدى كانوا قالوا زمان ارمى البذرة واسقيها وارعى تنول طرحك وتلاقى البذرة بقت شجرة وفروعها تضلل فى مطارحك بس انا بقى كل ما ارميها واسقيها برضه معندانى ابدرها بقمحى والاقيها بتقولى مبيدك سرطانى الارض بقت طارحة عماير تتهد على دماغ سكانها والعيب مش فيها دى ضماير ماكانتش عارفة اماكنها عمال مابقاش ليها مصانع قال ايه مصانعهم خسرانة وبيلعبوا فى الوقت الضايع صبحوا من غير ولا شغلانة فيه حاجات جوايا بقت سايحة مش عارف ايه اللى بيحصل بالمحها جاية واقول رايحة واستنى واقول يمكن توصل ولعلى سيجارة بلا وكسة نحرق صدرنا يمكن ينفع ونموتقبل ما تحصل نكسة والميت مش ممكن يرجع والله بجد انا مابانامشى والخوف من بكرة بيقتلنى لو ينفع لاسيبها وامشى ولا ان صهاينة تهزمنى
| |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: كفين الأحد نوفمبر 20, 2011 1:25 am | |
| الله الله الله
اسمح لى ارحب بك فى لبتك ومنتداك شاعرنا الجميل محمد وفبق
واثبت رائعتك
ثم اعود بالرد شعرا على رائعتك
دمت بحب | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: كفين الأحد نوفمبر 20, 2011 10:38 am | |
| الله الله على رائعتك ياستاذ محمد توفيق تحدثت بشياكة وحرفة شاعر جميل عن ما نحن فيه
كل ودي وتقديري | |
|
الشاعر محمد وفيق
عدد المساهمات : 16 تاريخ التسجيل : 20/11/2011
| موضوع: رد: كفين الإثنين نوفمبر 21, 2011 12:14 am | |
| اشكركم جميعا ودمتم لى اخوة اعزاء | |
|
الشاعر عبد الناصر رجب
من أصحاب المنتدي
عدد المساهمات : 135 تاريخ التسجيل : 11/11/2011 العمر : 52 الموقع : https://www.facebook.com/pages/%D8%A7%D9%84%D8%B4%D8%A7%D8%B9%D8%B1-%D8%A7%D9%84%D8%BA%D9%86%D8%A7%D8%A6%D9%89-%D8%B9%D8%A8%D8%AF-%D8%A7%D9%84%D9%86%D8%A7%D8%B5%D8%B1-%D8%B1%D8%AC%D8%A8-%D9%83%D8%A7%D9%85%D9%84-%D9%85%D8%AD%D9%85%D8%AF/278248365539600?hc_location=timeline
| موضوع: رد: كفين الإثنين نوفمبر 21, 2011 12:18 am | |
| | |
|