حكاية ثورة

حكاية ثورة
***

الحكاية م البداية

لما أنـور جاب مبـارك

سلمه المفتاح وقاله

خلي بالك ياد ياحسني

م العدو اللي إسـمه جـارك

أوعي يوم تديله دقنك

مصر بلدك هي دارك

خلي همك زي همي

مش مهـم إن كان بدمـي

عدي ليلي وجه نهارك

خد نصيحة حب شعبك

والنزاهة تكون شعارك

دي البداية
...
نمسك الموضوع من بدايته

لما باع ســينا بجــلالتـه

وجه عــلاء كـــون عصابته

ولجمال حسـن في صـورته

وبسوزان ضاعت كرامته

لما ساب لها الكرسي بعظمته

يا حـلاوتـه
...
إحنا برضوا في البداية

لسـة بدري عا النـهايـة

مش هـاطـول في الحكـاية

شـعب ثايـر م الجـباية

والحـرامي واد عصـامــي

والشـريف عامـل نظـيف

وفـ سـويسـرا هناك فلوسـنا

وإحنا مش لاقيين رغيف

حقنا راجع يا بكرة

والجبان أصبــح رديف

جات له ثورة في يوم وليلة

بدلت فرعون بموســي

وبهامان واحد عفـيف

وإحنا لســه في البداية

محتاجين همـه وشــباب

إيدنا واحـدة وكلنا

للي ماشـيين في الخراب

مرة فتنة مـره كـوره

حقد مـالـي قـلوب كـتيره

كله فاهـم كـله عـارف

والمخـطط مـن لومـانهـم

وبديولهـم وبفـلولهـم

وبعيونهـم الضــريرة

مكشوفين متورطين

كل مرة يشـيلوا طين

والحساب عـمـال بيجمع

والفاتورة تزيد علـيهم

وبإديهــم مـش بإيدنا

طـول حـياتهـم مسـجـونين

جوه سجن ضـمير قلوبهـم

في إنتظارهم حكم عادل

ونهايتهم نار جهنم

كلهم متجمعين
...