مهداه لــــــــ علي ماهر
**********
بتوحشني في كل دقيقة
وف ثانية تغيب عني
دي كل الآها والتانيه
تناديلك وتحكيلك
كتير عني
ياكل العمر ياعمري
يانور قمري
مليّك امري
ياحته من كيان الروح
انا المجروح
ومن غيرك أنا المغلوب على أمري
بتوحشني
ياعز حبيب
ومن غيرك
ماليّه صديّق
ولا معني لأيامي
لأحلامي
تقول بابا
يرفرف قلبي من جوه
أحس بنشوة وبقوه
أخطي كل شيىء خاجل
خبر عاجل
شهادة فرحه منشوره
أقول مبروك
وعقبال السنه الجايّه
تمر الثانيه ورا الثانيه
أحس بوحشه ليك فيّه
تقولي يابا مَتْخَافش
أنا ماعُدت طفل رضيع
أخاف لاتضيع
وتبعد عني ياعمْري
وتخدك مركب الاحلام
وتنساني وتأثرني سنين أحزان
وآلقى نفسي وحداني ..
فتتهدم خطاويّا
وتضيق الحياة بيّا
ماتنساني يابستاني
يازهرة عمْري وآمالي
ياكل الروح
انا عايش مع الثانية
انا عايش علشانك
********
الثلاثاء يونيو 28, 2016 11:39 pm من طرف الشاعر عبد الناصر رجب
