مآساة جنين .. بقلم / شاعر الغلابه ( محمد حنفي ) .

مأســاة جنين


في البداية أعرفكـم بنفســي


إسمي طفل شغلي بيبي


لسه هرضع لسه هحبـي


وبدأت همومي قبل ولادتي


وانا حتى في بطن أمـــي


بقيت مخنوء حزين وببكي


من غير دهشه ولا تعجـــب


ما انا جوه بسمع حكاوي


قصص عجيبه حاجات غريبه


في ناس شافوها و ناس عاشوها


حكايات تتغنا في الغناوي


بس لسه مالهاش مداوي


أم عشان عشيقها تبيع رضيعها


و أب ساب عياله لاجل الغواني


والا أخ يقتل أخوه وكمان أبوه


من غير رحمه حتى لثواني


والأب باع بناته بمهر فاني


و المظلوم لو فقير ينصروا


عليه الغني ولو كان هو جاني


و الناس قال من كترها


بنولهم فوق الشوارع كباري


والا أمين بالإسم في القسم


يهين برئ قال شكله حرامي


وغلبان يصحى من نومه


لشغله ومنه على شغل تاني


وحكومه تخدع شعبها


توعدو بالأحلام والأماني


من بعدها يعود الظلم أقل ؟


لأ ده أزيد مـ الأولاني


هي دي مأساتي وحكايتي


ولا أسمعكم حكاوي تاني


بالذمه موش دي حاجه ترعب


والا فيه ماسمعتوش وداني


بوصو أحسن بلاش أتولد


في دنيتكم والزمن الأسوداني