ماهر حامد
خادم المصباح
عدد المساهمات : 2082
تاريخ التسجيل : 07/05/2011
 | | موضوع: مالك يا شاعر ؟؟؟؟؟؟؟؟؟؟ الجمعة نوفمبر 09, 2012 9:47 pm | |
|
مالك بس يا شاعر قولَّي
شاغل نفسك ليل ونهار
شايل حمل الدنيا في راسك
كـل يــومين طالع بقرار
********
مرة تهب في( خيشه) وناسه
ومرة تقول العيّشة مَرار
وكل يومين عامل هُليله
وبتْدخل جدًّك في هزار
عمال بتسب في اخوانك
ولا بتراعى حقوق الجار
ورغم إنك خريج م الازهر
اخد الدنيا هزار في هزار
إللي جرالك بس يا شاعر
ياللي ماليت النت غُبار
**********
ديما ليه مش عجبك (خيشه)
وعامل حمله عريضة عليه
هو يعني دغدغ بيتك
ولا اذاك ما تقولي يا بيه
***********
وانا من خيبتي في يوم حبيتك
لمَّا دخلت عليَّه زمان
وقُلت يا مرحب سيدنا الشاعر
وقلت اشجينا يا الفنان
بس خسارة بجد يا صاحبي
كل كلامك صَبح هزايان
منزوع منه روح الواعظ
وكأنَّك كتبه في تواهان
**********
م اليوم دوَّ اخدت قرارى
ان اسيب الشعر واهاجر
ما دام الشعر هيخرب دارى
ويدغدغ جــوَّايا مشاعر
فاكر يومْ لمَّا انت دعتني
قمْت اوام على طول لبيتك
وقاعدنا حاكينا لبعضينا
وقلتلي مرحب البيت بيتك
واتمنينا وقلنا ياريتنا
بلدنا تكون جنّة أزهار
واتهزت كام نسمه لطيفه
والصحرا اتقلبت لخضار
واترقص الشجر الواقف
واتفكيت كل الاسرار
بعديها قومنا اتوضينا
وداعيتلك يجعلها عمار
**********
جاي اليوم عمال بتبعزق
ولامم عبده وجايب بعزق
وتقول خشيه آه يا مرار
******
لا وِلّأدها ماشيلى ع الموضه
وبتعزف ع الناى والعود
والاخوان بقوا موضه قديمه
وكاإنهم الـُبعده يــهـود
*********
نفسى يا شاعر تصحى لروحك
قبل الوقت ما يجي عليك
دا يوم المحشر حاجه عظيمه
وما فيش حد يسمى عليك
وهتصرخ وتقوللى يا ريتنى
كنت سمعت كلامك والله
وعرفت ديني على اصوله
وتركتها فرقه حسب الله
آمانه يا شاعر ما تزعل مني
ردي رساله ومُكلف بيها
اصل الشعر ايوه امانه
هنُسأل بكره انا وانت عليها
| |
|
