محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: حبيبي البحر الأربعاء أبريل 10, 2013 9:23 pm | |
| يا بحر بحبك وغـَويني
امواجك ساكنه في شراييني
وفصيلة دمك من دمي
والرملة اللي
في شطك ناعمة
جواها عناصر من طيني
حتي النوات اللي باعتها
تشبه نواتي وأجوائي
وهدوءك يشبه لهدوئي
لما بجيلك في غروب الشمس
وصفاء الليل وفي عز الهمس
وبحب أشكيلك في همومي
كاتم أسراري عاشق حكياتي
ومواسي آهاتي
فاكر لما هجرني حبيبي
فاكر لما رميت جواك
كل شجوني
فاكر لما مسحت دموعي
أنا مش ناسي
حتي الأشعار اللي كاتبها
في كراسي
من وحي خيالك وخيالي
من ريحتك وهواك الدافي
بوزن أفكاري
علي بحر جديد
بحر حبيبي
يا حبيبي يا بحر
...
| |
|