الثورة المضادة

(الثورة المضادة)
بعد يوم الثورة خوفت
وشوفت مارد فى المنام
يعنى حلقه ف طرف حلقه
وكله واصل للنظام
مين بياكل ودن صاحبه
واللىّ راح فى الفخ كام
,,,
يعنى مركب شايله شيله
مرّه تغرق مرّه تطلع
اللى جاى ع الموجه يركب
واللى فوق ع البر يلمع
واللىّ نفسه ف كلمه قالها
ومين هايقرا ومين هايسمع؟
,,,,
جانى واحد كان مُسالم
قاللىّ كلمة والسلام
قوم خلاص كبّر دماغك
يعنى فكرك ياخدوا كام
القفص يقدر يساعهم
مش ضرورى من الزحام
دا الشهيد هوّ اللىّ قاتل
هىّ دى خلاصة الكلام
,,,
انت عايز مين يحاكم
يابنى كلّ المفسدين
مش كفايه اربع بهايم
سجنهم أربع سنين
والعجول هاتجيب محامى
ويراضيكوا بكلمتين
الجمل يعملله جنحه
والحصان هايجوع يومين
,,,,
والحمار ياخد براءة
والغنم تطلع وترعى
كبش واحد يفدوا بيه
ويعملوله ألف قـُرْعه
يالله روح بوّر فى غيطك
وامـْلى كلّ الارض مرْعه
,,,
والتقيتنى باقول ياساتر
يالطيف اللطف بينا
واترسم قدّام عنيّا
منظر الموج والسفينه
لمّا غضب البحر مالت
كنـّا شايفينها بعنينا
واللى عام للبرْ منها
احنا شدّينه بادينا
بيجازينا بالخيانه
ويصحى يتديّر علينا
كلب ماستكفاش بخيرنا
ولسّه نازل عضّ فينا
,,,,
ايه يفيد حكمك ياقاضى
والامور متظبّطه
الديول ماليا الاراضى
والديابه مربّطه
واللىّ متغطى قصادى
رجله باينه من الغطا
والمُحاكمه هاتلاقيها
ساقطه تحت المضبطه
دا اللى خد اعدام زمان
رسوّا على كومه العطا
,,,,,
لسّه عاتب ع البلد دى
لسّه نور العدل طافى
كل يوم فيها يعدّى
محتاجين هيئة مطافى
شكلنا من فوق مندّى
والقدم من تحت حافى
,,,,
ايه فى ايدنا غير ألمنا
وقلـّة الحيله ومافيش
كلّ يوم يكتر كلامنا
وييجى بكره مانلاقيش
ولمّا شوفنا ف يوم أمالنا
عشنا فرحه ماتنـتهيش
دى العداله بنت خالنا
والنظام كان أصله جيش
,,,,
والملوك هجمت علينا
وقالوا ممنوع الكلام
العماله نرحّلوها
واحنا فى ادينا اللجام
لو بكلمه حاتقولوها
جايره على حق النظام
من حياتكم تدفعوها
شوف ساعتها تساوى كام
,,,,
قومى يالله وفكىّ قيدك
وارمى حِملك ع الرجال
قومى ياللىّ الحلّ فيدك
ساكته ليه؟ الصبر طال
قومى خللىّ الثورة عيدك
للمزارع والجبال
طول ماصوت الحق فوقك
فى التحدىّ مافيش مُحال
لو بتنسى نفكروكى
بالشهيد ساعة النضال
واللىّ أرواحهم فدوكى
يوم عبورهم للقنال
,,,,,

صباح الاثارة والمتعه والابداع
نص كامل متكامل
سوف يتناوله اجيال الاجيال
حرفه فن ابداع
كل مودتي

ايها العبقري الكبي

قومى يالله وفكىّ قيدك
وارمى حِملك ع الرجال
قومى ياللىّ الحلّ فيدك
ساكته ليه؟ الصبر طال
قومى خللىّ الثورة عيدك
للمزارع والجبال
طول ماصوت الحق فوقك
فى التحدىّ مافيش مُحال
لو بتنسى نفكروكى
بالشهيد ساعة النضال
واللىّ أرواحهم فدوكى
يوم عبورهم للقنال
( ســــعـد الشـــرقـاوى )
-----------------------
الصـــديــق

والأســـتاذ

شـــاعــر التـوتـــة

والله يـا أســـتاذ ســعــد كـلامــك جـاى عـالوجـيـعــــة

شـــوف حـال البـلـد بـقــى عــامــل إيــــه

حـقـيـقــى شـخـصـــت المــرض وكـمـان وصـفـت الدواء

الدواء كـمـا قـلت أن نتـذكـر مـن عـبـر القـنــاة

إنــه الإنـســان المـصـــرى

شـكـــراً صـديـقــى الرائــع / سـعـد الـشـرقـاوى

لـك مــنـى كــل الـمـــودة
حـمـدى شـبـانـة

[/size]

يعنى مركب شايله شيله
مرّه تغرق مرّه تطلع
اللى جاى ع الموجه يركب
واللى فوق ع البر يلمع
واللىّ نفسه ف كلمه قالها
ومين هايقرا ومين هايسمع؟
______________________

الله عليك ياأستاذنا

كما عودتنا على الابداع والروعة

فى حروف كلماتك البديعة

انا طبعا قرأت ( الثورة المضادة ) قبل كده

خدها منى وقول إبنى احمد قالى

قصيدة فى منتهى الروعة والجمال

دمت بخير

تحياتى

ماهر حامد كتب:: صباح الاثارة والمتعه والابداع
نص كامل متكامل
سوف يتناوله اجيال الاجيال
حرفه فن ابداع
كل مودتي

ايها العبقري الكبي

شكرا لكم اخى الاستاذ
ماهر حامد
مروركم يطبع البهجة والسرور
على قلوبنا
فلاحرمنا الله منكم

ماهر حامد كتب:: صباح الاثارة والمتعه والابداع
نص كامل متكامل
سوف يتناوله اجيال الاجيال
حرفه فن ابداع
كل مودتي

ايها العبقري الكبي

شكرا لكم اخى الاستاذ

ماهر حامد
مروركم يطبع البهجة والسرور
على قلوبنا

فلاحرمنا الله منكم

الشاعر الكبير عمى سعد
متعدد المذاهب
كلمات رائئئئئئئئئئئعة
من شاعر ذو قيمه
كل ودى

الله الله الابداع والروعه

أسمح لى شاعرنا الكبير سعد الشرقاوى بتثبيت رائعتك

ثم اعود لروعة وبهاء حروفك

دمت بحب

أستاذ العزف بالكلمات
أ/سعد الشرقاوى
كلمات جميلة
وثورة ضائعة
الشعوب العربية تخسر كثيراً بالثورات
لأنها غير مهيأة لها
تقبل مرورى

محمد ابو يوسف كتب:: الشاعر الكبير عمى سعد
متعدد المذاهب
كلمات رائئئئئئئئئئئعة
من شاعر ذو قيمه
كل ودى

اخى الاستاذ
محمد ابويوسف
اسعدنى مروركم
وحشنى كتير
لعلك بخير
خالص تحياتى

سعد الشرقاوى كتب:

محمد ابو يوسف كتب:: الشاعر الكبير عمى سعد
متعدد المذاهب
كلمات رائئئئئئئئئئئعة
من شاعر ذو قيمه
كل ودى

اخى الاستاذ
محمد ابويوسف
اسعدنى مروركم
وحشنى كتير
لعلك بخير
خالص تحياتى

اظاهر انك شطبت رقم موبايلى من مفكرتك
يا شاعر يا كبير
لك كل الود والاحترام

» كش الملك ......(قبل الثورة ) ...
» الثورة إتسرقت يا بهية
» مولود الثورة الجديد
» عندما يراد ضياع الثورة