الشاعر ناصر على
من أصحاب المنتدي
عدد المساهمات : 267
تاريخ التسجيل : 28/07/2011
العمر : 61
 | | موضوع: محدود الدخل فى رمضان السبت يوليو 30, 2011 12:05 am | |
| فى يوم صحيت منزعج
كانت رياح وضباب
قالتلى ام العيال
رمضان على الابواب
قولتلها الله كريم
اهلا مع الترحاب
قالتلى ايدك على المعلوم
نجيب طلبات
دقيق وسكر وتين
وزيت وحاجات
وللعيال فوانيس
وكنافة للعزومات
وكمان لحوم وفراخ
من كل صنف تجيب
دستة او دستتين
علشان دا شهر حبيب
قولتلها نسيتى حاجة
قالت دا كد الجيب
قولتلها بكام يجيبو
قالتلى الف جنيه
صرخت من علو حسى
يا ناس دا كله ليه
اصلا دا شهر الصوم
حرام تجورواعليه
شهر العبادة والرحمة
ليه نخليه شهر للحمة
وانا دخلى محدود
وتهت فى الزحمة
وعجبى
عدل سابقا من قبل الشاعر ناصر على في السبت يوليو 30, 2011 1:35 am عدل 1 مرات | |
|
حمدى شبانة
من أصحاب المنتدي
عدد المساهمات : 501
تاريخ التسجيل : 07/05/2011
العمر : 61
الموقع : الـجــيــزة - أُم الدنـيــا
| | موضوع: رد: محدود الدخل فى رمضان السبت يوليو 30, 2011 12:51 am | |
| شــوف بـقــا يــاعـم نـاصــر
أنـا أدبــاتـى
مـاعــرفـش غـير الأدبــاتـى
والأدبـاتـى راجـل حـالـتـه تـصـعــب عـالـكـافــر
وبـيـقــول
---------------------------
الله الله يـا بــدوى دخــلـى مـحــدود
أنــا الأديــــب الأدبـــاتــــى
مـرتـَّـبـى أهــو يــاخــواتــى
مـايـجيـبـش لـِـعـيـالـى جـيـلاتـى
بـالـفـقــر دايـمـاً أنـا مـوعـــــــود
الله الله يـا نـاصــــر دخــلـى مـحـدود
-------------------------
من يـوم تلاتــة يـاخـويــا ف الـشــهــر
أشـــوف نـجــوم الـســمــا ف الـضــهــر
الـفــقـــــر .......عــنـدى زى الـنـهــر
دايـمــاً مـغــرقــنــى ..... وبـيــجــــود
الله الله يـا نــاصـــــر دخــلــى مـحــدود
------------------------------
ودخــلــى مـحـــدود .. ومـْـحَـــدِّد
خــــلاَّنـــى .. عــايـــش مِـتـهـَــدِّد
ديــونــى ... كــل مـا تـــتـــســـدِّد
ألــقــى ديـــون غــيــرهــا بــتـعــود
الله الله يــانـاصــر دخــلــى مـحـــدود
-----------------------------
------------------------------------------------------------------------------
| |
|
الشاعر ناصر على
من أصحاب المنتدي
عدد المساهمات : 267
تاريخ التسجيل : 28/07/2011
العمر : 61
| | موضوع: رد: محدود الدخل فى رمضان السبت يوليو 30, 2011 1:07 am | |
| الله الله عليك يا استاذ حمدى
ما شاء الله عليك
سرعة بديهه نادرة
تسلم يا باشا من الفلس
ان شا الله عدوينك
ياخوى
وبرضه هرد عليك
انا برضه مديون ومنيل
وعا الفلوس ريقى مسيل
وبرضه عايش بقليل
ربك يا اخوية علينا يجود
الله الله يا شبانة دخلى محدود | |
|
ماهر حامد
خادم المصباح
عدد المساهمات : 2082
تاريخ التسجيل : 07/05/2011
| | موضوع: رد: محدود الدخل فى رمضان السبت يوليو 30, 2011 2:12 am | |
| الشاعر الاستاذ
ناصر على الظاهر ان كلنا تايهيّن في الزحمه
ومحروميّن من اللحمه
وانا صديق .... الادباتي
على فني رقصت نبضاتي
انسان فقير ..وبيهاتي
راضي بذاته وبالموجود
الله الله يابدوى دخلى محدود
ــــــــــــــــــــــــــــــــــــــــــــــــــ
عايش وكل حياتي ديون
والفقر عامل عليا حصون
ماشي معايه منين ما اكون
نفس يروق الحال ويسود
الله الله يابدوى دخلى محدود
ـــــــــــــــــــــــــــــــــــــــــــــــــ
عايش على رغيف ومقدُّد
واديني راضي ... وبسدُّد
ديون وقسط .... متحدُّد
امتى الزمان عليا يجود
الله الله يابدوى دخلى محدود
اسعد الله مساؤك
ومعك ياباشا نتابع وبشغف
كل التحية | |
|
الشاعر ناصر على
من أصحاب المنتدي
عدد المساهمات : 267
تاريخ التسجيل : 28/07/2011
العمر : 61
| | موضوع: رد: محدود الدخل فى رمضان السبت يوليو 30, 2011 2:38 am | |
| الله عليك يا باشا
انا فاكر انى انا لوحدى اللى دخلى محدود
ولكن تسمحلى ارد ؟؟؟
ماش هرد ياعم الكل
----------------------------
انا اللى طول عمرى بهاتى
نفسى يا ناس اعمل حاتى
وانظر على اللحمة ليلاتى
واقول الجودة من الموجود
الله الله يا ماهر دخلى محدود
------------------
طول عمرى باحلم بالعيشة
ونفسى اعمل تحويشة
والفقر ركبلى الفيشة
شغال يا اخويا ومش مهدود
الله الله يا ماهر دخلى محدود | |
|
الشاعر ناصر على
من أصحاب المنتدي
عدد المساهمات : 267
تاريخ التسجيل : 28/07/2011
العمر : 61
| | موضوع: رد: محدود الدخل فى رمضان الإثنين أغسطس 01, 2011 1:13 pm | |
| فينكم ياشعرا يا حبايبى
محدش ليه واقف جنبى
دا الفقر عشش ومخبى
وقولنا الجودة من الموجود
الله الله يا شعرا دخلى محدود | |
|
