الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: قصيدة ( حلم الغلابة ) الثلاثاء أغسطس 16, 2011 4:39 pm | |
| ( حلم الغلابة ) ----------------
حلم الغلابة طار لفوق
والشوق بيشلع فى الحلوق
بجناح منبت فى الوهن
--------------------------
حلم الغلابة بيتعجن
بالوهم مع حبة شجن
وبيتقلى فى زيت الزمن
-------------------------
حلم الغلابة بيترسم
فوق بحر تلج ويبتسم
تطلع عليه شمس الوطن
---------------------------
حلم الغلابة بيتخنق
من قبل حتى ما يتخلق
وبيتفرم من غير مكن
----------------------------
حلم الغلابة مركبة
متركبة ومكركبة
زى الجمل من غير رسن
--------------------------
بلعها بحر فى ليل ضلم
يا ريت ما كانشى فى يوم حلم
والصرخة حلم بتندفن
----------------------------
حلم الغلابة سلسلة
متسلسلة ضامة الخلا
شداه لبحر من الحزن
----------------------------
شقيان جعان عريان يخاف
طاب حتى يلقى لقمة حاف
علشان يقاوم فى المحن
----------------------------
فى الصيف بيحلم بالشتا
فى البرد يحلم بالدفا
طول عمره يحلم بالسكن
------------------------
حلم الغلابة تاه فى بير
والبير غويط جواه اسير
مين اللى يقدر عالفتن
---------------------------
لملم جناحك وانكسر
يالا انتشر بيت البشر
لحسن تروح من غير تمن
----------------------------
حلم الغلابة كان فتات
ولما عمر الحلم فات
اتسرق منه الزمن
----------------------------
اندفن حلم الغلابة
لما مات ارنب فى غابة
بس مات ملقاش كفن
--------------------------- | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: قصيدة ( حلم الغلابة ) الثلاثاء أغسطس 16, 2011 5:09 pm | |
| الشاعر / الرائع الأستاذ ناصر علي
ومع حلم الغلابة
والمتعة والحرفة في اللتقاط الصور
بطريقة غير مباشرة
الله عليك شاعرنا المبدع
كل التحيه والتقدير
| |
|
الشاعر ناصر على
من أصحاب المنتدي
عدد المساهمات : 267 تاريخ التسجيل : 28/07/2011 العمر : 61
| موضوع: رد: قصيدة ( حلم الغلابة ) الثلاثاء أغسطس 16, 2011 10:42 pm | |
| الشاعر المبدع الاستاذ / ماهر حامد
مرورك اسعدتى وشرفنى
فتقبل منى تحيتى وتقدير
دمت لنا مبدعا وصديقا | |
|