رساله الى اسرائيل ,,

بلدنا فى ننى عينا
وترابها
فى القلوب
وان حد بص ليها
احنا نخليه
يتوب
مصر اللى اولادها
عاشو
فى النيل والاهرامات
هما اللى لبسوها
فى اكتوبر اغلى توب
**
فاكرين ايام ما كنتو
عاملين فيها
التتار
خدتو الدرس بجداره
وخدتوه عز النهار
الجيش المصرى عنده
يموت لاجل الوطن
ولا انه فــ مره
يحصل
ويكون تحت الحصار
**
الله الله يامصرى
ياللى بطبعك شجيع
عمرك تفديه لبلدك
ولا عمرك يوم تبيع
ايام الذل راحت
وخلاص الجبن راح
ارفع راسك يامصرى
ملعون ابو التطبيع
**
ايدينا هتبقى واحده
وبراحتك قول وعيد
مش احنا اللى ف بلدنا
نخون محناش عبيد
المصرى مصرى مصرى
مش لابس توب غريب
عزيمته ف لحظه ممكن
تكسر صلب الحديد
**
ياقلبى افتح شراعك
مبخافشى من البحور
انا مصرى ومن صفاتى
انى شهم وجسور
دا لانى عشقت اصلى
ولإنى ابن مصر
مش هاقبل انى اطاطى
ولو هاسكن فى القبور
**
عهد الخيانه ولى احنا
فى عهد الصمود
كرامتنا الياما ضاعت
من تانى راح تعود
متقولش ان اسرائيل
تقدر ترمش لمصر
الشعب المصرى صخره
وجنوده قووول اسود
*********