رساله الى المشير ----- احنا الشعب
ياما اسينا وشوفنا هوان
وكتير منا عاش متهان
واستحملنا وقلنا
بلدنا تعيش فى امان
ولاجل بلدنا نحطم كل الصعب
مااحنا الشعب
صبرنا كتير ع الظلم والفساد
صبرناكتير وبتزيد ف العناد
صبرنا كتير وبتدوس ع الزناد
ارحل عنا مش عايزينك عاد
واحنا هانبنى بلدنا بكل الحب
مااحنا الشعب
اسحب امنك ولا بنخاف ولا نهتم
اسحب امنك ف وجوده عشنا ف غم
اسحب امنك لاجل الفوضى تعم
ولادنا كتير وهانفديها بالدم
ولاد احرار وبلدهم جوه القلب
مااحنا الشعب
شوفنا الذل ف عهدك وقلنا خلاص
مش هانطاطى تانى ولا ننداس
شعبك قال الكلمه بكل حماس
سلمهالنا لو فى كرمه او احساس
واحنا بايدينا هانعمرها بحب
مااحنا الشعب[center]