اسف يابلد
من زمان كان نفسى أاقولهالك
اسف يابلد
لما سكت ف يوم وعرضتك للمهالك
اسف يابلد
لما نهبوكى وقلت حره وده مالك
اسف يابلد
مش راح اسكت كفايه اللى جرالك
الثوره قامت
ليه بيحاولوا هما يحرقوها
الثوره قامت
لصالح مين ياعالم يسقعوها
الثوره قامت
فين المطالب اللى هما حققوها
الثوره نامت
يابشر فوقوا وقوموا الحقوها
ايه الجديد
لما قالوا ليه يكون تعجيل
ايه الجديد
لما مات الدستور ومافيش بديل
ايه الجديد
لما بأرادتنا وافقنا ع التعديل
مافيش جديد
واتارى الكل واخد ع التضليل
عملتوا ايه
لما قالوا ثروته سبعين مليار
عملتوا ايه
لما نظيف باع البلد وخلف دمار
عملتوا ايه
لما حبيب قتل شبابنا وقادها نار
عملتوا ايه
لما الكلام نسمعه ومافيش قرار
مش راح اسكت
ولاعمرى احط ايدى تاانى ع الخد
مش راح اسكت
خدنا وعد بأيام وأديها بتتعد
مش راح اسكت
صبرنا كتير ولكن للصبر حد
مش راح اسكت
لغايه ماألقى لكل سؤال رد
----------------------------------------
samy shair
25 \ 5 \2011