أشتوت يابلد أشتوت

[size=18][size=25](أشتوت)
جنّ الغرام مسّنى عيشتى بقت زيطه
حبسونى فوق السطوح وقزحت م الحيطه
دجّال وقاسْلى الأترْ قال ابنكم مهْووس
لهفْ من أمىّ الفلوس وعملىّ تحويطه
,,,,,
هرانى يومها البعيد م الضرب بالنبّوت
طلق علينا البخور ونده على ألأشتوت
وقال هاتوله العسل منقوع فى قشر البصل
ياتلحقوه بالعَجًلْ ياتكون نهايته الموت
,,,,,
سمعت أمىّ بتدعى ع اللىّ ظالمنى
وتقول له ارقى الولد خايفه يضيع منىّ
نظر بطرف العين وقال عايز ألفين
دا الجن بعد يومين راح ينتقم منىّ
,,,,,,
قالت ضفايرى وخلخالىداعقلى طار
وخدْ حلقى ورسمالى وطفىّ النار
وحيات ولادك ياسيدنا الشيخ ماتسيـبنى
أنا عايزه ابنى ولو حكمت حابيع الدّار
,,,,,,
صعبت عليّه قوى ولقيتها محتارة
وتقول دا كان فهلوى ونبيه ياخسارة
حصْوه ف عين الحسّاد اللىّ افتروا ع الواد
يحْرم عليّه الزاد والعيشه فى الحارة
,,,,,,,,
قولتلها يامّه الغرام خيطـُه بلون توبى
نسّانى طعم المنام والحب مكتوبى
وحبايبى لمّا اكتمل شبكوه فى طرف الأمل
ومعلــّقينه ف عمل على قلب محبوبى
,,,,,,
دوايا عند الحبيب وغلبت أحايل فيه
سايق عليه النصيب بيـبخـّره ويرقيه
والقلب لمّا يميل يفضل تملىّ عليل
ويحب سهر الليل والفكر يلعب بيه
,,,,,,
سحرنى رمْش العين واللمس دوّبنى
والورد فى الخدّين من حسْنه غلــّبنى
يامكدّبين الخبر يشهد عليّه القمر
عذّبنى طول السّهر والحب شيّـبنى
,,,,,,,
لو كان حبيبى ينظــّم ضغط موّالى
يرفعلى درجة حرارة حبّنا الغالى
وبوصفةالعشـّاق اشرب عصيرأشواق
حاتلاقوا قلبى راق والصحّه راجعالى
,,,,,,,,
دايب فى حب الوطن بسْ الوطن باعنى
سايبنى انده عليه مش راضى يسمعنى
دانا ابنه برضه ياهوه وبأحارب اللىّ باعوه
لا رحمنى لمّا باتوه ولاحضنه بيساعنى
,,,,,,,,,
محتاج حجاب النبى يوم وقفته بعرفات
بالعربى والاجنبى منشور علىالصفحات
خطبة وداعه اللىّ مضمونها حقوق الناس
فيها الأساس اللىّ بيصحىّ الضمير لوْ مات
[/size],,,,,,,,

[/size]

وطنى ويقول ف بلده شعر و غناوى

وطنى وحبها ف قلبه وشايل بلاوى

وطنى متربى على كده من صغره غاوى

هو السعد لبلده وان نسيت قول شرقاوى

تحياتى استاذى القدير

سعد الشرقاوى -- بس ليا سؤال

الشرقاوى لقب العائله والا كنيه عن البلد

تقبل تحياتى واحترامى[b]

ذكاءشديد وبراعة فى تناول الفكرة وطرحها بهذا الشكل هذا النص يحمل ثلاث مفاجآت رائعة الأولى صنعتها بسخرية رائعة عن الدجل والدجالين وما يصنعونه من نصب واحتيال والمفاجأة التى ادهشتنى وخرجت منها بحرفية وكنت متوقع ان هذا الحب للمحبوبة او المعشوقة ولكن خرجت بحرفية الشاعر المخضرم من الخاص الى العام وجعلتنا نشاركك هذا العشق الجميل لهذه المحبوبة التى نعشقها جميعا لك تحياتى ايها الشاعر والزجال سعد الشرقاوى على هذه المتعة وهذه المفاجآت التى هى اكثر من رائعة احمد راضى

شاعر عدد المساهمات : 220 تاريخ التسجيل : 14/07/2011

الأستاذ الشاعر / سعد الشرقاوي

حقاً أنك شاعر محترم جداً

اللي أثر فيا جامد موقف الست الوالدة

إيه يا حاج سعد شحتفتنا عليك

بس والله برافو

دائماً مبدع

سامى شعير كتب:: وطنى ويقول ف بلده شعر و غناوى

وطنى وحبها ف قلبه وشايل بلاوى

وطنى متربى على كده من صغره غاوى

هو السعد لبلده وان نسيت قول شرقاوى

تحياتى استاذى القدير

سعد الشرقاوى -- بس ليا سؤال

الشرقاوى لقب العائله والا كنيه عن البلد

تقبل تحياتى واحترامى[b]

الاخ الاستاذ
سامى شعير
اشكر لكم هذا الثناء العظيم
والذى لانستحقه
لكنه كرم اخلاقكم
وصفاء قلوبكم
الذى ماتعودنا غيره
اما من ناحية الاسم
فالعبد الفقير الى الله
من محافظة كفر الشيخ
ومواليدها
لكن الاصل فى الجدود بلبيس شرقية
لكم كل تحياتى وتقديرى

استاذ سعد كتب

الاخ الاستاذ
سامى شعير
اشكر لكم هذا الثناء العظيم
والذى لانستحقه
لكنه كرم اخلاقكم
وصفاء قلوبكم
الذى ماتعودنا غيره
اما من ناحية الاسم
فالعبد الفقير الى الله
من محافظة كفر الشيخ
ومواليدها
لكن الاصل فى الجدود بلبيس شرقية
لكم كل تحياتى وتقديرى

سامى رد

والله استاذى انت تستحق اكثر من ذلك

ليت حرفى يوفيك قدرك العالى

تحياتى ايها الراقى بحرفك وكرم اخلاقك[b]

أحمد راضى كتب:: ذكاءشديد وبراعة فى تناول الفكرة وطرحها بهذا الشكل هذا النص يحمل ثلاث مفاجآت رائعة الأولى صنعتها بسخرية رائعة عن الدجل والدجالين وما يصنعونه من نصب واحتيال والمفاجأة التى ادهشتنى وخرجت منها بحرفية وكنت متوقع ان هذا الحب للمحبوبة او المعشوقة ولكن خرجت بحرفية الشاعر المخضرم من الخاص الى العام وجعلتنا نشاركك هذا العشق الجميل لهذه المحبوبة التى نعشقها جميعا لك تحياتى ايها الشاعر والزجال سعد الشرقاوى على هذه المتعة وهذه المفاجآت التى هى اكثر من رائعة احمد راضى

نستمد من عطاؤكم
وشاعريتكم المتفردة
اخى الحبيب
ابو شروق
الاستاذ/احمد راضى
نسعد دائما بمروركم
والذى نعتبره
ايجازة لاعمالنا
وتصريحا للنشر والتداول
طابت أوقاتكم بكل خير

محمد عبد الواحد كتب:: الأستاذ الشاعر / سعد الشرقاوي

حقاً أنك شاعر محترم جداً

اللي أثر فيا جامد موقف الست الوالدة

إيه يا حاج سعد شحتفتنا عليك

بس والله برافو

دائماً مبدع

الاخ الاستاذ
محمد عبد الواحد
اشكركم على هذا الاستحسان
وعلى هذا المرور الكريم
لكم خالص تحياتى وتقديرى

سامى شعير كتب:: استاذ سعد كتب

الاخ الاستاذ
سامى شعير
اشكر لكم هذا الثناء العظيم
والذى لانستحقه
لكنه كرم اخلاقكم
وصفاء قلوبكم
الذى ماتعودنا غيره
اما من ناحية الاسم
فالعبد الفقير الى الله
من محافظة كفر الشيخ
ومواليدها
لكن الاصل فى الجدود بلبيس شرقية
لكم كل تحياتى وتقديرى

سامى رد

والله استاذى انت تستحق اكثر من ذلك

ليت حرفى يوفيك قدرك العالى

تحياتى ايها الراقى بحرفك وكرم اخلاقك[b]

بارك اللهفيكم
اخىالاستاذ سامى
ولاحرمنى منكم ابدا
تحية لكم وتقدير
ومحبة
كن دائما بخير

بسم الله الرحمن الرحيم

تم التثبيت بواسطتي

ولي عودة ان شاء الله
للتفاعل مع قلم
استذنا الشاعر
سعد الشرقاوي

روووووووووووووعه تقبل مروري ونحياتي لك ولقلمك الرائع[center]

ماهر حامد كتب:: بسم الله الرحمن الرحيم

تم التثبيت بواسطتي

ولي عودة ان شاء الله
للتفاعل مع قلم
استذنا الشاعر
سعد الشرقاوي

ياعم تعود لنا بالف سلامه
ومانتحرمش من مرورك الجميل
تحياتى لكم اخى ماهر

أستاذنا الكبير وأخونا الفاضل الشاعر الحج سعد

ياحبيبى على الجمال وعلى الكتابه الجميله والشعر البديع

رائع دائما أخى الحبيب .

دمت بكل الخير وتقبل تحياتى

» اسف يابلد