مصر منك وانت ليها ...!

هات ايديك فى ايديا يلا

نحمى مصر ومنخافوش

احنا مش نعملها ثوره

وهما يملو فى الكروش

احنا كان مطلبنا واضح

إننا نحس بكيانا

بعد ما اتكلمنا يجوا

يكسروا حاجز لسانا

لأه لأه والف لأ

دا احنا لينا الف حق

لينا حق فى إنا متنا

الف مره من النظام

لينا ان الشعب عمـــره

ما شعر يوم بالسلام

لينا ان الحكم ...ياما

كان حارمنا من الكلام

لينا ايه تانى..؟ هاقولك

لينا إنا ...... المصريين

اللى عاشو فى المذله

يعنى ماتو من سنين

ماتو مش روحهم سابتهم

لأه ماتو متداسين

ياه دا ربك كان ميسر

كل خطوه خطيناها

واللى مات فى الثوره عايش

واحنا برضه حسيناها

يبقى هات ايدك فى ايدى

هى ازمه وحليناها

قول يارب ويلا سمى

مصر روحى مصر دمى

مصر مش بلدى وكيانى

لأ مصر دى تبقى أمى

مصر امك انت برضه

مصر غاليه ومش رخيصه

يبقى منسبهاش ونسكت

بين إيد خاينه وخسيسه

مصر مش محتاجه إلا

إننا نحافظ عليها

فوف وحس بيها تلقى

مصر منك وانت ليها

الشاعر حاتم السمان
رائعه تحسب لك
كل المودة والتقدير

الله عليك

الرائع حاتم السمان

وكلمات حماسيه

تخرج من قلب لتصل الى كل القلوب

أحييك أيها الرائع

دمت بكل حب

قول ياشاعر قول كمان

خلى صوتك للناس يبان

قوم ودقدق ع البيبان

صحصح عقول نايمه فيها

مصر منك وانت ليها

رائع استاذ حاتم

بارك الله فيك ابن مصر البار

شكرا على هذا الابداع

دمت لمصر

ودامت مصر حرة

ملحوظه

يثبت بواسطتى

بروعة الحرف والمضمون

الله عليك وعلى مطالبكم المشروعة ثورتكم ومازالت هى الأروع والأطهر
ونتمنى نجاحها وعاشت مصرنا حرة اللهم آمين

الله الله
الشاعر الجميل
حاتم
كم رائع من الصدق والعمق فى التعبير عن هذا الولاء وهذا الحب
كنت موفق جدا فى تناول الفكرة وطرحها
واتمنى ان تصل هذه الرسالة الى كل مدين بهذا الولاء لهذا البلد
لك تحياتى القلبية
احمد راضى

شاعر عدد المساهمات : 220 تاريخ التسجيل : 14/07/2011

الشاعر حاتم الثمان

أحييك علي جمال حرفك

وصورك البديعة

دمت مبدعاً

مصر منك وانت ليها
مصر بارواحنا هنفديها
وبدمائنا هنرويها
مصر يابلدنا
ياغاليه على قلوبنا
كلمات جميله استاذ حاتم
تقبل مرورى
علاء عبدالحق

» فاكر وانت صغيّر
» كل عام وانت طيبه ياعلا ياماهر
» أنا وانت ظلمنا الحب للشاعر عبد الوهاب محمد