عينى عليكى يابلد
ايه جرى ليكى
تلاتين سنه نهب
ولا حد دارى بيكى
ولما قامت ثوره
قلبى خاف عليكى
مش من شبابك لآ
من ناس طمعانه فيكى
--------- وعجبى
غريب اتا ف دنيتى
ولا الدنيا هى اللى غريبه
الناس مش هى الناس
واحوالهم بقت عجيبه
فيه اللى قلبه حجر
واللى دمعته قريبه
واللى غارق ف بحر العسل
واللى مش لاقى حبيبه
----------- وعجبى
حبيت من غير ميعاد
وقلبى انكوى بالنار
وغرقت ف بحر الهوا
وبحر الهوا غدار
قلت ارتقى موجه
صابنى موجه بدوار
لا طلت انا مرادى
وحبيبى غيرى اختار
----------- وعجبى
الناس اصناف معادن
وعلى اساسه نقيس
فيه اللى معدنه حجر
مايسوى يتباع بالرخيص
وفيه اللى معدنه اصيل
الماظ حر نفيث
وفيه اللى ماله اصل
يبان طيب وف الحقيقه خسيس
---------- وعجبى