مربعات سامى شعير

يابت يالابسه القصير ايه راح يداريه

راح ينكشف المستور والكل يدرى بيه

اصل الجمال زايل دارى اللى انكشف

العفه ان تاهت منك ايه اللى راح يداريه
-------------------------------------------
ياللى البصبصه للحريم عند جنابك كيف

تقدر تقولى يادنجوان حالك يبقى كيف

لو شوفت اختك يوم بتتعاكس

ابقى اعمل فيها راجل وبلاش تمسك سيف
---------------------------------------------
عشقت وعشقى كان لحلوه بنيه

ولفلفت ع البنا يبنى لها بنيه

نعيش الحب فيها ونفارق الاحزان

سكن لى الحزن فيه والغرام مش بالنيه
-----------------------------------------
حبيت كل الناس والفرح ف عنيا بان

والكلمه الحلوه اساس عليها كنت بان

وفتحت قلبى جناين طارحه ليهم

وف الشده يتقفل ف وشى بيبان
--------------------------------------
يامسافر وناوى ع الرجوع ماتجيش

كفايه منك رساله ف العواصف ماتجيش

الحال هو الحال ولسه ف الحلق مرار

زاد المبله طين ومات جيش
---------------------------------------
سالت دموع ع الخد اتحولت انهار

من ليل مالو حد ماطلعلهوش نهار

وعسكر يماطل ف الباطل ولا حد قال لآ

ازاى يسلم سلطه والآساس أنهار
---------------------------------------
يازمن وحير فكرى ماتورينى سكتك

قال كنت فيسن من بدرى وايه سكتك

تلاتين سنه وساكت ايه فكرك بيا

سابنى لعسكر وقفل الباب سك تك
---------------------------------------
عاش عمره ف أهر وسكن التوابيت

ونظم ف الظلم شعر منه التوى بيت

قامت ثوره نادت بالعدل والحريه

وف زحمه الحريه بنى ف التو بيت
--------------------------------------
ارفع ايديك للسما واطلب الرضا منه

الخسيس لو خان يبقى العيب مش منه

وكلمه الحق سيف قولها ولا يهمك

ربك اللى خلق عادل ليه تخاف منه
---------------------------------------
وعجبى[center]

إيه ياأستاذ سامى ياجميل المربعات الحلوه اللى زيك د ى ، عموما ربنا يقوينى

وارد عليها مربع مربع ، بس حتكون ردود بسخريه ، ماشى ؟

المربع الأولانى بتقول فيه :

يابت يالابسه القصير ايه راح يداريه

راح ينكشف المستور والكل يدرى بيه

اصل الجمال زايل دارى اللى انكشف

العفه ان تاهت منك ايه اللى راح يداريه

الرد منى لك يا"سامى"شوف فيه إيه !

اللى تعرِّى ف جسدها للناس ولا تخبِّيه

تشبه دبيحه حِدا الجزار مسلوخه !!

ويمكن ارخص فى التمن عنها بعشره جنيه

المربع التانى بيقول :

ياللى البصبصه للحريم عند جنابك كيف

تقدر تقولى يادنجوان حالك ح يبقى كيف

لو شوفت أمك أو اختك يوم بيتعاكسوا

إعمل بقى راجل ساعتها وامسك سيف

الرد :

البصبصه عند ناس يا"سامى"فعلا كيف

اللى يبصبص دا فاكر .. إن دمُّـه خفيف

لو بص يوم فى المرايه عنده وشاف نفسه

ح يلاقى نفسه رخيص .. وغنى عن التعريف

والمربع التالت بتقول فيه :

عشقت وعشقى كان لحلوه بنيه

ولفلفت ع البنا يبنى لها بنيه

نعيش الحب فيها ونفارق الاحزان

سكن لى الحزن فيه والغرام مش بالنيه

والرد :

الغلطه دى غلطتـــك .. ماتقولش لأ هى!

هو اللى عاوز يحب .. يحب "بالنيه" !؟

طب كنت أطلب مشوُرتى قبل اما تغرق فيه

وان كنت ادِلَّك .. بدل ماتحب " جنِّيــَّــه "

أما المربع الرابع فانت بتقول فيه :

حبيت كل الناس والفرح ف عنيا بان

والكلمه الحلوه اساس عليها كنت بان

وفتحت قلبى جناين طارحه ليهم

وف الشده يتقفل ف وشى بيبان

والــــــــرد :

الناس معادن وفى الشده الصديق بيبان

والأصل يغلب تمللى .. والأصيل بيبـان

أما الخسيس يقطعُه .. يروح بعيد ويغور

كلامـُه ناعم ولكن .. سِمَّاوى كالتِّعبــان

يابشر قولوا أيه اللى راح يرضيكم

بعتونى بالرخيص وبالغالى كنت شاريكم

الدمع سال ع الخد والكيل منكم طفح

والقلب لساه اخضر وشايل فرح ليكم
................. وعجبى ...................

» رباعيات سامى شعير
» رباعيات سامى شعير
» كنتى فين
» مربعات
» مربعات وجع الساعات