| ولاعمر ضلمة ليل تحوش النور /عبد الناصر علام | |
|
+2سعد الشرقاوى عبدالناصرعلام 6 مشترك |
كاتب الموضوع | رسالة |
---|
عبدالناصرعلام من كبار الشخصيات
عدد المساهمات : 8 تاريخ التسجيل : 28/07/2011
| موضوع: ولاعمر ضلمة ليل تحوش النور /عبد الناصر علام السبت نوفمبر 05, 2011 3:08 am | |
| ولاعمر ضلمة ليل تحوش النور
شعر /عبد الناصر علام
هيّه اللي وقت الضيق.. تبان ضاحكة..
وتغطّي "ف" جراح السهام وتقوم
وبتكمد الدم الحنين "ع" "القيح"
شربت عكار النيل وقالت :عسل
رضعت من المواوويل
ورضعت منها الصبر
ورضعت ماشبعتش.. فكملت الرضاعة كلام
الدنيا حوالين العيون زايغة
وجيوبي مش بيشخللوا..
لكن يفيض القلب طول الوقت
مسروق ندايا ..وضحكتي "ف" سرداب
مش مبسوطين الصحاب..
مش مبسوطين لاحباب
مالهومشي نفس.. يفكوا تكشيرة وشوش
ردوا الحزاني الباب.. في وش الفرح
عشش غنا المواويل في بطن الغاب
**
ريق المحبة يسيل ويتجفف
دقت رجول المتباعين في الزار
عتبات بيوت الزمان..
غير وقتنا الراهن
ورجالنا بتوالس وبتداهن
كل اللي يطلع حلو.. مختوم بالمرار
والنسر بيغيّر هدوم شغله
مستني يطلع ريش جديد
ويعيش حياه أخري
[b]ويعيد نظام العشة..من جد وجديد
تبريري واهي .. والدليل واهن
دايما با اخمّن.. عمري ما باراهن
واللي.. ما شافشي بعينه.. فليسكت
حلمي اللي محتل المنام ..
قاعد ومتربع
دلوقتي شايفه "ف" صحوي.. بيمد اللسان
، ومدلدل الرجلين
القصعة دي.. تتحمل الهجمة
الصبر والأكل بشراهة يعل
بعد الهجوم..
مين اللي ها ينضف ماعون الأكل
نحتاج لكام مليون.. من السائل
من تاني هاتلعلع وتلمع .. جبهتك يابيوت
" حافيين ..
جاثيين
ومافيش في إيدنا سلاح "
ومافيش أمان للقلب "إذ" يعشق
منديل حبيبي ورق..
بيبوش إذا اتعري ..
أو مس طرفه العرق
وانا قلبي نازز.. من جميع جيهه
مانشفش ولا مرة
لولا الملامة ..
أنا كنت نطيت من طموح نفسي
وكتبت بإيديا الختام
بس الأسف
قلبي الدليل عارف ..
إن الهروب.. بيكسّر الإقدام
ويعجّز الأقدام ..
ويرجّع الأقدم ..إلي الأقدم
والشخص فينا يادوب "هبابة" دم
وفقدت روحي "التو" والساعة
وبقيت عديم الجاذبية..
وزي ريشة "ف" هوا..
مربوط بحبل "ف" بوابات النوادي ..
وكل ليلة في فرح ..
منفوخ علي الفاضي
بعد المراسم بتلاقيني با افس
لو فيا مليون جرح.. عمر ي ما احس
ما أنا فاقد الجاذبية..
فاقد كمان الذاكرة والوقت
صدقت رغي الراديوهات
صدقت بث التيفيهات
" والتوتو.. ني/ .. التوتو ..ني "
وانسوا اللي فات.. وهاتولي الجي
خايف لا أقول.. فتقّروا عليّ
–ياعيوني بصوا "ف" ناحية غير ديا
علشان في بكرة ما تشهدوش بالحق
" شهدا ومدافن في الطريق الرملي
والحفارات شغالة تغرف.. تملي
وانا كنت فاكر بكرة ..هايشيل حملي
اتاريه طريقي.. من زمان مرسوم لي
عضم الجدود "م" التربة"فز" وقام لي"
**
كام يسألوني المأسورين واسكت
دا لإني فعلا ما امتلكش الرد
فالدرس محتاج شرح وإعادة
والكشف لازم كشف وإعادة
والغنو ة نفس الغنوة متعادة
فالحسن مش "ف" سنان.. تبان تضحك
لو ناشف الغصن.. كيف ورد الخدود يضحك
الحسن في براءة قلوب بتدق
وتشق دهن البلادة.. وتبقي سدادة
فالطيبين.. مش طيبين
دول كانوا لسه "ف" قعدة إمبارح
طالبين وداد القلب
دلوقتي تاعبين الجسد والروح
، ومابين بلادة فكر ومصالح
لايصين مابين ..عدل الأمور والقلب
ما اتغيرتش الأرض وحيطان البيوت
مش با اعتذارك تمسح الصفعة
أو تشطب المحفور
لا ها يستخبي الأمس من بكرة
ولاعمر ضلمة ليل.. تحوش النور | |
|
| |
سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: ولاعمر ضلمة ليل تحوش النور /عبد الناصر علام السبت نوفمبر 05, 2011 11:31 pm | |
| الاخ الاستاذ
عبدالناصر علام
ورائعة من روائعكم
وروائع قلمكم النابض بفيض المشاعر
كل تحياتى وتقديرى | |
|
| |
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: ولاعمر ضلمة ليل تحوش النور /عبد الناصر علام الأحد نوفمبر 06, 2011 3:05 am | |
| الله عليّك
هنا نبرات وتميز حروف شاعرنا
الأستاذ عبد الناصر علام
الذي دائما يخترق الاحساس والمشاعر
بكلماته الصادقه المعبرة النابعة من قلب ونبض وكيان شاعر متحقق
هذة هي هديه العيد من شاعرنا الجميل
الأستاذ عبد الناصر علام
كل التحية والود [b] | |
|
| |
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: ولاعمر ضلمة ليل تحوش النور /عبد الناصر علام الأحد نوفمبر 06, 2011 3:07 am | |
| تم التثبيت بواسطتي
لروعه القصيدة وجمالها | |
|
| |
Admin
من أصحاب المنتدي
عدد المساهمات : 20 تاريخ التسجيل : 07/05/2011
| موضوع: رد: ولاعمر ضلمة ليل تحوش النور /عبد الناصر علام الثلاثاء نوفمبر 08, 2011 10:00 am | |
| عمل جميل وقلم شامخ ومميز
مع تحيات ابنكم
علي ماهر
| |
|
| |
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: ولاعمر ضلمة ليل تحوش النور /عبد الناصر علام الأربعاء نوفمبر 09, 2011 6:31 pm | |
|
( ولاعمر ضلمة ليل تحوش النور)
العنوان نفسه قصيدة !!
أخى الشاعر الجميل عبد الناصر علام
خالص تحياتى واحترامى لنبض قلمك الواعى .
قصيدة رائعه ، وكلمات أروع ، وفكره أروع وأروع ، لشاعر رائع
دمت بكل ود
| |
|
| |
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: ولاعمر ضلمة ليل تحوش النور /عبد الناصر علام الأربعاء نوفمبر 09, 2011 6:50 pm | |
| الله الله الله
كم سبحت فى روعة حروفك وتمكنك
ولكن هى عادتك شاعرنا الكلبر ناصر علام
تحبتى لروعتك وجمال حروفك
دمت بحب
| |
|
| |
Admin
من أصحاب المنتدي
عدد المساهمات : 20 تاريخ التسجيل : 07/05/2011
| موضوع: رد: ولاعمر ضلمة ليل تحوش النور /عبد الناصر علام الأحد نوفمبر 04, 2012 5:27 pm | |
| عودة كريمة
الشاعر عبد الناصر علام
فالحسن مش "ف" سنان.. تبان تضحك
لو ناشف الغصن.. كيف ورد الخدود يضحك
| |
|
| |
| ولاعمر ضلمة ليل تحوش النور /عبد الناصر علام | |
|