سامى شعير
من أصحاب المنتدي
عدد المساهمات : 389 تاريخ التسجيل : 19/08/2011 العمر : 58 الموقع : bombomail@yahoo.com
| موضوع: طفى النور السبت نوفمبر 19, 2011 12:13 am | |
| هات كرسى ف لمبه وطفى النور علشان ف العتمه تكون مستور الوحش اهو جاى وجاى مسعور مش عدو ولا غيره لآ دا فلول هات كرسى ف لمبه وطفى النور هات كرسى تعالى جنبى بعيد هانفكر سوا ونقول ونعيد مين يحمى بلدنا ومين بيبيد ومين م الثوره كان مذعور هات كرسى ف لمبه وطفى النور هات كرسى واقعد بيه ف الغيط وامسك بأيديك كده طرف الخيط مين سمم زرعك قول ياحويط مين سرطن طفل ف عمر زهور هات كرسى ف لمبه وطفى النور هات كرسى وياللا معايا ع القاعه بيقولو فى محاكمه حديث الساعه على واحد خلى ف بلده مجاعه والحكم اتأجل فيها لشهور هات كرسى ف لمبه وطفى النور هات كرسى معايا وقبل ماننسى و(ف) مجلس شعب الحقلك جلسه هاتلاقى عقولهم عقل ابالسه هايسنو ا قانون علشان مانثور هات كرسى ف لمبه وطفى النور هات كرسى واقعد بيه ع الباب وتعالى وفكر ف الاسباب ايه خلى الناس تعمل اضراب طب قولى اتحقق ايه ف شهور هات كرسى ف لمبه وطفى النور هات كرسى واقعد على عتبتنا هاتلاقى مسيحى جوه ف بيتنا وبره البيت بيقولو فى فتنه فاهمنكوا خلاص ماتلموا الدور هات كرسى ف لمبه وطفى النور هات كرسى تعالى معايا وعيش اكتب ايد واحده جوه أفيش هايوقعوا بينا وبين الجيش ياترى مين تانى عليه الدور هات كرسى ف لمبه وطفى النور هات كرسى واضرب بيه على راسى ويا اموت ياهايرجع تانى احساسى ولا سيبش قوتى ولا قوت ناسى ونبدد ظلم بقالو دهور هات كرسى ف لمبه وطفى النور | |
|
ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: طفى النور السبت نوفمبر 19, 2011 12:46 am | |
| الله الله على هذا الكراس الذي يضيى العتمة
رائعه ياستاذ سامي
والي مزيد من الابداع والتفوق
كل الود والحب | |
|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: طفى النور السبت نوفمبر 19, 2011 6:59 am | |
|
حبيب قلبى الشاعر الجهبذ سامى شعير
تحياتى لك أيها الراقى
أنا لآن فى طريقى للشغل ، لكن حاولت أن أضع بصمتى على هذا الجمال
لحبن عودتى لك مرة أخرى .
وسأترك موضوع التثبيت من عدمه ، للسيد مشرف الباب إذا استحسن الموضوع
فهذا هو اختصاصه أولا .
نص جيد أستاذى الفاضل ، وإلى اللقاء .
عدل سابقا من قبل محمد البسيوني في السبت نوفمبر 19, 2011 7:01 am عدل 1 مرات (السبب : خطأ فى النسخ) | |
|
عصام سالمان من كبار الشخصيات
عدد المساهمات : 67 تاريخ التسجيل : 23/06/2011
| موضوع: رد: طفى النور الإثنين نوفمبر 21, 2011 7:00 pm | |
| رائع شاعرنا الجميل كلام مظبوط نفكر فيه ونعيد سلمت حبيبى سامى شعير عصام | |
|
سامى شعير
من أصحاب المنتدي
عدد المساهمات : 389 تاريخ التسجيل : 19/08/2011 العمر : 58 الموقع : bombomail@yahoo.com
| موضوع: رد: طفى النور الإثنين نوفمبر 21, 2011 10:36 pm | |
| اشكر كل من مر على حرفى المتواضع
وترك بصمه بتعليقه المميز المثمر
واخص بالشكر الاستاذ \ ماهر حامد
الاستاذ القدير \ محمد البسيونى
الاستاذ \ عصام سالمان
تقبلوا جميعا تحياتى ووافر احترامى[b] | |
|