((عندما يعود)) * بقلم / حســــن
البــدوي
باللغة
العاميــــــة المصريــــــــــــــــــــــة
*************************
رجعت
تاني ياوش الغم ياغراب البين!!!؟
ياوليه
حرام تعبان وعيان من شهرين!!
تاكل
ولا تنام خفيف أحسن يابو دمعتين!!
ياوليه
حرام ماكلت لقمة بقى لي يومين!
قوم
اغسل هدوم العيال ونضف المواعين
ياوليه
مش قادر أجيب قوة وصحة منين؟
ياوليه
بكره تقولي : يا سبعي رُحت فين!؟
بكرة
تبكي وتولولي وتلطمي عليَّا الخدين!
ياوليه
حرام!! يهون عليكي عِشرة سنين!
اعملي
لي معروف: شربة ميَّه ورغيفين!
أنا
عيان ومحتاج لحمة وغذا وبروتين!!!
تنام
على وجع بطنك خسارة فيك لقمتين!!
لازم
أضربك وأفتح في راسك غرزتين!!؟
ياوليه
اسكتي أحسن أرمي عليكي يمين!!
علشان خاطر حسنين وسلمى ومحمدين!!
ياولية
كفاية زعيق لسة الجيران صاحيين!
والحيطان
لها ودان والعيال كمان نايمين !
نعدي
الليلة من غير خناق وضرب إيدين!!
طب
قوم وغور وخد لك في الشارع لفتين!
ياوليه
جبت لك هدية: خاتم وحلق ودبلتين!
هديةجوازنا
وعشرين شمعة وفلة ووردتين
حبيبي:
تسلم من كل شر وقر يانور العين!!
كده
تستاهل 2كيلو لحمة وبطة وحمامتين!!
ماتزعل
يا سبعي كنت باهزر معاك حبتين!!
**************************