شباب بكره

شباب بكره
عبير-منه – منى- أسماء**سعاد-فاطمه-حنين –وصفاء
زمن كداب زمن أهواء**خدونى رمونى فى أشلاء
وإيه ذنبى مفيش شقه**وإيه يعنى مفيش أخلاق؟؟؟
كلام فضه كلام صدى**كلام عمره ماكان له سياق
ياناس كلمه بترضينى**بلاش أصعب على العشاق
خيالى يقوللى إخطفها**وقلبى يقوللى ليه أشتاق
مدام حظى بقى قليل**وشفت الباشا والسواق
بيركب فوق رصيف قلبى **وانا قلبى من العشاق
خدينى لدينى وارضينى**وقسمه ورضوه م الخلاق
كفايه حبى يرويكى **وانا قلبى كتير مشتاق
فى عز البرد أدفيكى**فى حضنى تلاقى صفو سماء
ودمعك تمسحه إيدى**وتصرخ أرضنا الصماء
تعالوا إزرعو فيا**حنان وحنين ثناء وصفاء
وليكم كل مافيا**وبيكم تنطق الخرساء
يازرع اخضر منورنى **ياشهد احلى من اللى انداق
بإيدنا ندور المصنع**فى إيدنا الحلم أصبح جاء
كلام يمكن يصحصحنا**ملام يمكن يكون له لقاء
مع الماضى مع الحاضر**معاك أحلم بكل صفاء
كلمات/عبد الناصر رجب