الأستاذ ماهر حامد كتب :
قررت أكون مش مختلف
وأتلون بلون الغروب
وأجرب كل الدروب
بس ياخسارة
حولت أكون مش ماهر
فى كل الحاجات
وأنسى اللي فات
وأمسح السطر القديم
والمستخبي م الذكريات
حولت أبيع أي حد اشتراني
لقتني وحداني ...
دورت على أى حد اخدعه
لقتني مخدوع جربت ليل النهار
وبنيت قصور على عرش الأغاني
وفضلت أعاني
جربت أكون مش ماهر
لقتني فاكر كل الحكايات
جربت أكون مش أنا
وأموت
لقتني جوه الحكاية من أول سطر كتبته
مع أول نبض في عروقي وكياني
حولت أكتب عن أختلاف الألوان
لقتني ورقة ..
وسط سطورعشش عليها كلام الدهر
وحكايات العشق والغدر والخيانة
ولقتني وسط السطور
لسّه ماهر ومش مختلف
لكني بكره الغروب
أستاذنا الكبير ماهر بك حامد
تحياتى
إنت "ماهر" .. ماتحاولش
إنت بلبل ناقصــُـه .. عِش
إنـت سلطـــــان القـوافى
بس ناقصك .. تاج وعرش
ياحبيبى كفاياك إنك كونت بيت العيله ده
وجمعت فيه كل الحبايب والأصدقاء ،
ولأدباء الجامدين دول .
خاطره رائعه ياأستاذنا ، وجميله زيك .
دمت بكل الحب والود .