يوسف ابو زينة
من أصحاب المنتدي
عدد المساهمات : 52
تاريخ التسجيل : 07/12/2011
 | | موضوع: شِعارات ثورة 25 يناير الجمعة يناير 27, 2012 11:10 pm | |
|
( شعارات ثورة 25 يناير )
ثورة ثورة ....حتى النصر
احنا شِبعنا.... بطالة وفقر
يسقط يسقط ..حكم العسكر
شعبنا تحتة...... خط أحمر
إرحل إرحل........ يامشير
إحنا حقنا........ فى التغيير
المحاكمة ...... لا المُماطلة
البراءة...... صدورها باطلة
غنى يامصرى يابو دم خفيف
لقمة عيشك .. مش الرغيف
عايزين تشريع عايزين قوانين
محاكمة سريعة .. للفاسدين
إيدوا شموع فى عيد الثورة
بحق ربنا ..... وبحق العَذرا
يامجلس الشعب ياصوت الأمة
طالبنا الوحيد .. تُحكُم بِزمة
القصاص ........... القصاص
م اللى ضربة....... الرُصاص
مليونية ............... مليونية
هدفها عدل.............. وحُرية
إحنا الشعب...... إحنا الشعب
صوتنا أقوى ودا مش صعب
إنزل إنزل ....... ماتتردِتش
ضُم صوتك.... لينا ماتخفش
مش ح نخاف مش ح نخاف
مش بنلاقى.. العيش الحاف
مش ح نام ...... مش ح نام
إلا بتطهير ........... الإعلام
نام ياشهيد .....نام وإرتاح
حقك ح ناخدة....... بالكفاح
بكرة الضى.......... جاى جاى
فارد جناحة .........على الحى
خلوا الميدان على طول مليان
طالب بحقك..... خليك إنسان
إحنا هدفنا .. حكومة مدنية
فيها نِحِس...... بالإنسانية
عسكر عسكر مش عايزيين
يرحل بيتة ....... يامدنيين
حُكم الشعب.... هو الفَيصَل
منة الأمل... منة ح نوصل
بالسلمية .......... بالسلمية
المكاسب ........ جاية جاية
لو عايزنا نحبك يالعسكرى
سبنا وإرحل.... يالفنجرى
طفحنا الدم..... طفحنا الدم
غور يامشير.... بقى وإتلم
إحنا نفسنا ......لسة طويل
مش ح نسيبك...... يالعميل
إرفع يامصرى راسك فوق
إوعى تطاطى لأى مخلوق
مات ..... شبح التوريث
فين ...... دلوقت العريس
تحيا تحيا...... شعب مصر
هو القبطان.... حتى النصر
يالمونة .......... يالمونة
دول لورا ........... رجعونا
مسلم مسيحى أصحاب البلد
فى الحقوق وفى اللى إتولد
عايزيين أموالنا اللى فى الخارج
حاكموا مخلوعنا اللى بيتعالج
الفساد ................. الفساد
ح نستأصلة ........ من البلاد
دا مش مريض دا بيتمارض
بيمثل علينا ...... وهو مارد
قول يامشير........ كلمة حق
قالك إضرب .......... ولا لق
مصر رايحة ........ للتنمية
بعد محاكمة.. سريعة فورية
المحاسبة ......... المحاسبة
مش راح تفلت ... بالمناسبة
الإعدام ............ بالمشنقة
فى ميدان عام .. ونخلص بقى
بالروح بالدم .. ح نكمل المشوار
بالحب بالعزم ... ثوار وأحرار
لا للفتنة ........... بعد اليوم
إحنا صحينا ......... من النوم
أنا ثورجى ........ أنا ثورجى
أبنى ماهدش ... مش بلطجى
إحنا أحفاد ....... الفراعنة
ومجلس الشعب يبقى بِتاعنا
هرب الديب من عش الفرخة
ساب البيضة .. بعد الصرخة
******************
يوسف أبو زينة
26/1/2012 م
[/size] | |
|
حمدى شبانة
من أصحاب المنتدي
عدد المساهمات : 501
تاريخ التسجيل : 07/05/2011
العمر : 61
الموقع : الـجــيــزة - أُم الدنـيــا
| | موضوع: رد: شِعارات ثورة 25 يناير الجمعة فبراير 24, 2012 7:30 pm | |
| شـاعـرنـا الـجـمـيــل
الأســتـاذ
يـوســف أبـو زيـنـــة
إيـه يـا شــاعــر
دا إنـت طـلـعــت ثــورجــى كـبـيــر
جـمـيــلـة يـا أســتـاذ هـذه الـشـعـارات
الـتـى وضـعـتـهـا لـنـا فـى الـمـصـبـاح
شـكــراً يـا أســتـاذ يـوســف
تـقـبـل مــودَّتـى
حـمـدى شـبـانـة
------------------------------------------------------------------ | |
|
ماهر حامد
خادم المصباح
عدد المساهمات : 2082
تاريخ التسجيل : 07/05/2011
| | موضوع: رد: شِعارات ثورة 25 يناير السبت فبراير 25, 2012 11:07 am | |
|
أستاذ يوسف أبو زينة
الثورة قامت والبلد نامت
صباح الفل على الكل
| |
|
