رسالة الى خطباء .. النخبة .. فى مصر...!!!

رسالة الى كل خطباء النخبة
نورونا يا أفاضل ... انتو مين ؟؟

وف ميزان الخلق انتم ... تبقوا مين ؟؟

عرفونا .. ايه عملتم للبلاد

وضحولنا أيه بنيتم .. للعباد

شفنا منكم ... بس منكم .. الخراب

انتو بس فى البلاد دى ... كالذباب

*****

انتو كام ... لو تعدوا انتو كام !!!

كام هيسوى.... لو كتبتم قبل ( واحد )..... الف صفر !!

كام يساوى ... جنب شعرة طهر طايره .... الف ضفر !!

انتوا حب رمل تايهة .. وسط بحر

انتوا قلة .. عايزه كل حياتنا ... قهر

انتو لحظة وسط دهر

انتو للاسياد صبحتم .. بس ضهر !!

حد يركب... حد يلعب.. حد يمسك طرف ديل الكلب نفسه..

يبقى مُهر !!

انتوا حالة بؤس انتوا .. بس عُهر

*****
انتو مين ....؟؟

هو دا أكبر سؤال...

ال شارب ...كام بتاعة

وال ضارب كام دماغ

وال طامع ف الرياسة

وال تايه ف الفراغ

وال شارب دم شعبه

وال كل الكره شاغل كل همه

وال ترقص .. تبقى منكم

تبقى هى امام عليكم

وال يرفض مرة يمشى بين وجوهكم

يبقى خاينة... او طريقه مش طريقكم

وال ف التمثيل بترسم - دين – لأمه

يبقى اغلى من ابوكم

والحرامى .. والضلالى .. وال صايع فى الشوارع ...

يبقى ثورى... حد منكم !!

*****

البلاد محتاجة تبنى ... وانتو فين؟؟

والشعوب حوليكو قامت .. وانتو نمتوا .. نمتوا فين؟؟..

ف الشوارع .؟؟ فى الميادين الكتيرهة.. ويّا مين؟؟؟

كله واحد..

لما بنت تنام ف خيمة جنب عيل ..

لما عيل.. واد خمورجى .. ييجى يتكلم سياسة

اه يا نخبة ...

تبقى دى اخلاق ودين ؟؟؟

الغلابة عايزه تاكل ..

والحياة محتاجة تجرى

والولاد السمر عايزه تانى ترجع ... للحياة

بس انتوا .. انتو مين؟؟

انتو بس...

رُكبة حلوة للفلول.. جم يحاربوا الشعب ... بيكم

جم عليكم مرة تانية .. يركبوكم
*****
آه يا نخبة ..

لما تنسى .. أصل أصلك

تنسى لما الذل ضمك .. زى ضلك

كنت تقدر يوم تتهته ؟؟

لما صوتك .. من تفاهتك .. تاه فى رجلك ..

كنت تقدر يوم تبجح .. او تمأمه ؟؟

لما كان السجن بيتك .... لما كان الفن دينك

لما كان الجبن لابسك....من رجولك حتى شعرك

كنت تقدر .. لو تنهنه ؟؟

لسه فيك الجبن ماشى جوا دمك

وال ييجي عشان يصونك.. يبقى ضدك ؟؟

وال ييجى عشان يعلى من مكانتك ... يبقى واطى؟؟

وال يركب فوق كتافك .... ليه توطى..؟؟
*****
قوم يا مصرى .....قوم يا ابنى .. او اخويا وابن عمى...

قوم يا كل كريم وطاهر.. ف البلادى

دوس على النخبة القبيحة دى بقلبك ..

دوس دى خلق الكره فيها .. نار فى جسمك

دوس وكمل .. بكرة توصل

أما طين الارض يفضل .. طين .. فى رجلك
*****
قوم يامصرى..

لو تنوح ف الضلمة كل البوم .. هتفضل ....

بس تندب ؟؟

اوعى تمشى خلف نخبة...

قاعده تندب .. لجل تخرب

وال يبنى ...وال يزرع...

وال ياخد يوم بأيدك.... دا بيكدب..؟؟
*****

جمال نصير فى ......جمعة الكرامة !!!!... 8 فبراير 2013

» رسالة قصيرة جداً للوطن
» رسالة إلى كل عربي
» رسالة تمني
» رسالة الى ولدي
» رسالة الى سيادة الرئيس