هاشم فتحي
من كبار الشخصيات
عدد المساهمات : 5
تاريخ التسجيل : 24/06/2011
 | | موضوع: قصيدة "رفرف يا طير ..." هشام فتحي السبت يونيو 25, 2011 2:03 am | |
|
( رفرف يا طير ....) هشام فتحي
يا طير عشوشك جنب مني اتبعترت
واتبهدلت يا طير
عشوشك
يا طير واخدني من
الشجر
وملكتني ما بين عروشك
يا طير تغني ومين يا
طير بيعلمك
في الليل حروفك
دانا كنت واقف بين
خيالي
وبين طروبك
ما تقولي إيه خلاك
تطير
تبعد كتير
وتلف حلمك بالشجر
وتلم ريشك
يا طير تملي بتختفي
وتروح لورد النيل
وتحكي غربتي
ويطول هناك يا طير وقوفك
انا نفسي
فوق شجري اللي واقف
من زمان انده واشوفك
انا نفسي حتى ف كلمتين
خدني الحنين
وبكيت كتير
خايف غروبك
يا طير على ورق الشجر
هكتب حروفك
وكمان هناك تحت القمر
رغم السهر
هستنى نورك
ما تقولش ما لي والقمر
ما انا من زمان
تايه ما بين ليلي ونجومك
يا طير عشوشك جنب مني
خدتني مني عشان عيونك
اذا كنت تايه في الشجر
وما لكش في البستان مكان
وان كنت ناوي ع السفر
ليه الورق مليان حنان
ليه الفروع متغيره
متكسره
والخوف ماليها من زمان
رفرف يا طير
اصل الحكايه انك تطير
ومش الحكاية انك تبان
ما هو كل طير بيضم ريش
ولا كل طير يقدر يغني في العنان
رفرف يا طير
وانا جنب عشك في الشجر
وبقول كمان
وعشان غصون متكسره
لملم عشوشك
وعشان عيون متحجره
هذب رموشك
وعشان قلوب متغيره
عايزين نشوفك
وعشان سطور متبعثره
لملم حروفك
........
انا شفت طير في الفجر
ماسك قمحته وناديت عليه
ولقيت خيوط بتعدي
تحرق بسمته
تخطف عنيه
طليت عليه
وسالت قال السرب طار
ولوحدي واقف من زمان
مليت ومل الانتظار
حنيت عليه
عصفورة ماتت جنب منه
وعليها حفنه من غبار
وسالت قال الليل طويل
كان نفسها تشوف النهار
طلع النهار
ولقيت خيوط الصبح هاربه في المدار
والسرب طار
مليت ومل الانتظار
وبكيت عليه
وانا اقوله تاني
مهما كان
رفرف يا طير
عدي البحار
رفرف يا طير
زي اللي طار
طليت عليه ... كان في المدار
| |
|
ماهر حامد
خادم المصباح
عدد المساهمات : 2082
تاريخ التسجيل : 07/05/2011
| | موضوع: رد: قصيدة "رفرف يا طير ..." هشام فتحي السبت يونيو 25, 2011 3:19 am | |
| الـشاعــر / الاستاذ هاشم فتحي
ما اجمل الطيور حين ترقص وتغني
وتستعد لمواجهة الحياة بما فيها من سعادة ومحن ومسؤوليات
هنا رفرف
قلبي مع قلمك الجميل الذي ننتظرة من حين الي اخر
ملحوظه
تم تخزين قصيدة "شارع حمزة الحي العاشر " هشام فتحي
حتى يتسنى لنا متابعة اعمالك واعمال الاخرين
ننتظر قلمك واسهامكم في اعمل الغير
يد واحدة نرتقى وننموا جميعا
كل حبي ومودتي
[/size]
عدل سابقا من قبل ماهر حامد في السبت يونيو 25, 2011 4:16 am عدل 1 مرات | |
|
عزة الزرقاني
من أصحاب المنتدي
عدد المساهمات : 816
تاريخ التسجيل : 22/06/2011
| | موضوع: رد: قصيدة "رفرف يا طير ..." هشام فتحي السبت يونيو 25, 2011 3:53 am | |
| عمل جميل وحروف رائعه
من شاعر يمتلك أدواته
أحيك استاذ هشام على روعة حروفك
دمت ودامت روعتك
دمت بحب | |
|
سعد الشرقاوى
من أصحاب المنتدي
عدد المساهمات : 333
تاريخ التسجيل : 08/05/2011
| | موضوع: رد: قصيدة "رفرف يا طير ..." هشام فتحي السبت يونيو 25, 2011 12:08 pm | |
| الله عليك
شاعرنا الكبير
الاستاذ هاشم
عمل رائع
واضح الدلالة
فى قالب غنائى
موزون
رائع ماخط قلمكم
ومارسمت ريشتكم المبدعة
صورا جميلة
فى ايقاع يلامس الوجدان
لكم التحية والتقدير | |
|
حلمى مصيلحى
من أصحاب المنتدي
عدد المساهمات : 89
تاريخ التسجيل : 26/06/2011
| | موضوع: رد: قصيدة "رفرف يا طير ..." هشام فتحي الأحد يوليو 03, 2011 5:32 am | |
| الاستاذ هشام
قصيدة جميلةومعبرة
الشكر كل الشكر ليك
اخيك حلمى | |
|
