دين او وطن لله .. حاتم السمان

من مدة كام سنه
كان فيه اتنين صحاب
واحد كان اسمه احمد
والتانى كان ايهاب
احمد كان يصحى بدرى
...وينادى ع الصحاب
ويصلو الفجر حاضر
ولا حدش مره غاب
وايهاب كان كل حد
يصلى فى الكنيسه
ويخلص كان صلاته
هو وإلياس وعيسى
ويروحو صحبه دايما
لاحمد عند الحديقه
كانو دايما ولازم
يكررو الطريقه
وف يوم حصلت خناقه
بين خالد وعب مسيح
مسيحى مات وبرضه
فيه مسلم كان جريح
احمد وبسرعه كلم
ايهاب صاحبه وحبيبه
وقاللـــه خير ياصاحبى
كان اللى مات قريبه
فقالــله شد حيلك
وراحله البيت قوام
هو ومحمود وعبده
وهاشم وعب سلام
عزوه والكل قالو
مش ممكن ومستحيل
هتفرق بينا حادثه
دا الصحبه شىء جميل
المصرى طول حياته
مصرى وفارقاش معاه
لا مسلم اومسيحى
دين او وطن .. لله

تحياتي لقلمك المبدع استاذ "حاتم"
نصك يدل علي حبك للإنسان كإنسان
وليس كمسلم او مسيحي
ولا تنطوي للعنصرية
تحياتي لقلمك