الشاعر حاتم السمان رفاعى
من أصحاب المنتدي
عدد المساهمات : 62 تاريخ التسجيل : 31/07/2011
| موضوع: بحار ..! حاتم السمان الإثنين أغسطس 01, 2011 4:38 am | |
| يا بحر مين علمك .. العوم فـ ضل الشمس ..؟ طول السفر والسفن .. ولا البكا والهمس ..؟ لو حزنى خدنى فـ يوم .. أما الفرح يا بحر .. كان آخره أول أمس .. * * * أنا كنت يوم بحار .. والموج ما عاندنيش .. والبحر دا أسرار .. انا كنت فيها باعيش .. الدنيا دى مركبه .. ركابها مش أبطال ! والحر لو يوم غرق .. يرموا وراه بقشيش ..!! يا بحر مين علمك .. * * * يا بحر مين علمك .. تعطش وكنت السيل ..؟ فاتح حضنك لغيرك .. وانت لوحدك دليل ..! وفـ محنتك يا بحر .. سابك وراح مشى .. خلاك للناس توطى .. وانت اللى كنت أصيل ..! يا بحر مين علمك ..؟ * * * يا بحر مين علمك ..؟ تقسى على شطك .. تعبت معاك الرمال .. من اعوجاج خطك .. الموج يا بحر عالى .. والريح بترفع فيه .. البط شاف خناقه .. ع الشط مستنيه البط خاف م الشط .. يا بحر وإحنا هناك .. ويوم ما جانا هنا .. لقى نفسه ملك إيديه ..! يا بحر مين علمك ..؟ * * * يا بحر مين علمك .. الغدر والخسه ..؟ تعبت معاك الرمال.. بالفرح مش حاسه .. بتبيع تراب الوطن .. ع الشط للزوار .. وعايزنى أتوضا منك .. وميتك نجسه
| |
|
Admin
من أصحاب المنتدي
عدد المساهمات : 20 تاريخ التسجيل : 07/05/2011
| موضوع: رد: بحار ..! حاتم السمان الجمعة ديسمبر 09, 2011 7:10 pm | |
| | |
|
محمود بسيوني
من أصحاب المنتدي
عدد المساهمات : 43 تاريخ التسجيل : 13/11/2011
| موضوع: رد: بحار ..! حاتم السمان الجمعة ديسمبر 09, 2011 8:09 pm | |
| أسجل أعجابي بما قرأت لك أخى الحبيب الشاعر حاتم السمان
سلمت يداك | |
|
عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: بحار ..! حاتم السمان الأحد ديسمبر 11, 2011 2:52 pm | |
| الشاعر الجميل حاتم السمان قصيده فوق الرائعه
ولكنى اعتب عليك فى نهاية القصيده وعايزنى اتوضا منك وميتك نجسه عشان البحر عمره مايكون ميته نجسه اولا لانه متجدد بأمواجه وثانيا عشان البحر دا من كنوز مصرنا الغاليه فا مش ممكن يكون نجس ولكن ممكن بكون غدار
ولكن حقيقى ابهرتنى حروفك القويه ومعانيها طيلة القصيده دمت بحب | |
|