أفضل 10 أعضاء في هذا الأسبوع | |
| | أنا المصرى (من ديوان كرابيج 2008) | |
|
+5الشاعر حاتم السمان رفاعى محمد عبد الواحد عزة الزرقاني سعد الشرقاوى محمد البسيوني 9 مشترك | كاتب الموضوع | رسالة |
---|
محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: أنا المصرى (من ديوان كرابيج 2008) الثلاثاء أغسطس 09, 2011 11:21 pm | |
|
| فى مثل هذا اليوم عام 1973
أسعدنى .. بل وشرَّفنى أن أكون فردا من كتائب أبطال أكتوبر المجيد . تحية لكل من شارك فيها .. وفى جوار الله وجنته كل شهدائها . ويشرفنى أيضا أن أقوم بالنيابة عن جيلى(جيل أكتوبر) بتقديم هذه القصيدة المتواضعه اليوم تحت عنوان :
أنا المصرى
وانا ف صُغرى طويت عمرى وقدمته .. فدا بلدى فى يوم ما قالت لى فى اكتوبر واحشنى النصر ياولدى أنام الليل .. يناجينى وأصحى الصبح ينده لى ساعتها الغالى ضحيت بيه وهان مالى .. وهان سندى هدرت بقوة الطوفان عبرت المانع المائى وبإيديا .. وعون الله نسفت الساتر الرملى محيت م الدنيا أسطورة دراع طايله وخط غرور كتبت بدمى فوق سينا على الرمل بحروف من نور هنا قبر اللى ح يفكر يدوس بالغدر فوق رملى بقيت للحرب وفنونه علامه لكل جيل عصرى ساعتها الدنيا بصَّت لى وقالت : هو دا المصرى
******
رضعت العزه والوطنيه من صُغرى وانا ف مهدى ورثت ولائى ليكى يامصر عن ابويا .. وعن جدى عاهدت اخوانى واصحابى فى بوم سته .. وكان عهدى إذا طال الأمد بيَّه على الدنيا ولو لشهور أكون جنبك .. واعدِّيكى يوماتى من عبور لعبور
******
وكان أملى اللى انا شفته وانا باعبر فى يوم سته مفيش صحرا غيطان خضرا ومش سايبه ولا حته ونيلنا ميِّتُه نضيفه بخير على أرضنا بيفيض ويملاها سنابل قمح تكفى شعبنا .. وتفيض ونزرع حَب بإيدينا فيطرح حُب فى قلوبنا وناكُل لقمه مسقِيَّه بعرقنا من مزارعنا وإيد فلاحنا تمنحنا رغيف العيش بضربة فاس وماتسيبناش نمد إيدينا نستجدى الرغيف م الناس !!
******
وشفت ابنك وشفت ابنى وهُمَّ بينسجوا توبنا ولابسين قطننا المصرى ورافضين منحه أو منَّه هدفهُم هو صنع ف مصر مش صُنِع ف بلاد غيرنا!! لهم بيت محترم .. هادى مِخللى للحياه معنَى فى شارع لما نمشى فيه مفيش أسوار بتمنعنا وشفت ف إسم مصر نشيد وكلمة حُب تجمعنا !!
******
داكان أملى اللى انا شفته وانا باعبر مع اخوانى وبعد سنين على عبورنا !! لقيت نفس الأمل جانى وقل لى عشان دا يتحقق ضرورى من عبور تانى عبر جيشكم وهو بيدعى للمولى .. وبيكبَّر رفع راسكم وساب ليكم تحاولوا فى عبور أكبر عبور المانع النفسى عبور من تحت للقمَّه لابالمدفع ولا الدَّانه لكن .. بالعلم والحكمه يشيل الحقد من جدره ويزرع حُب جوَّانا يكون حاضر ومستقبل لأبناءكم وأبنائى ويغرس للوفاء نبته لمصر .. ومجدها الباقى ودا ح يكون عبور أصعب كتيييير م المانع المائى
|
| |
| | | سعد الشرقاوى
من أصحاب المنتدي
عدد المساهمات : 333 تاريخ التسجيل : 08/05/2011
| موضوع: رد: أنا المصرى (من ديوان كرابيج 2008) الأربعاء أغسطس 10, 2011 12:45 am | |
| اخى الشاعر العظيم الاستاذ/محمدالبسيونى لقد حركت ماكان ساكنا وجذبتنى رائعتكم للتواصل فماذا أقول فى عرضك يابسيونى ايدى فى ايدك ياسيد الحبايب ندوّر بهمّه على فجر غايب وقلبى وقلبك من الحب دايب ونعشق بلدنا الجميله ياسونى ,,,,,,,, ايدى فى ايدك مع ألشقيانين وبعد القساوه يحسّوا بحنين ومش بالضروره نقول احنا مين ما دامت رسالة بتوصل ياسونى ,,,,,,,,, ايدى فى ايدك مع ألمسئولين نساعد معاهم فى رفع ألأنين ونبدى آرآأنا ولو كلمتين يساعدوا فى حلّ المشاكل يابسيونى ,,,,,,,, ايدى فى ايدك بحب وأدب نداوى جراحنا بعلاج السبب بعزّ وشهامة ولاد العرب وتكبر بلدنا ف عنينا ياسونى ,,,,,,,,, معانا حبايب و ح يحسوا بيك وتبقى ف عنيهم يخافوا عليك وياخدوا باديّا وياخدوا باديك وبالكلمة نبنى حياتنا ياسونى ,,,,,,,,, عشان قلبى حسّك رجوله وأصيل وقلمك بينزف حضارة ونيل شئ مش بايدى لشعرك أميل وانادى وأقول لك فى عرضك يابسيونى ,,,,,,,,,
| |
| | | عزة الزرقاني
من أصحاب المنتدي
عدد المساهمات : 816 تاريخ التسجيل : 22/06/2011
| موضوع: رد: أنا المصرى (من ديوان كرابيج 2008) الأربعاء أغسطس 10, 2011 1:48 am | |
| الشاعر المصرى الراقى محمد البسونى أسمح لى بتبيت رائعتك ونتسقها وتلوينها ثم اعود لجمال وروعة حروفك دمت بحب | |
| | | محمد عبد الواحد شاعر
عدد المساهمات : 220 تاريخ التسجيل : 14/07/2011
| موضوع: رد: أنا المصرى (من ديوان كرابيج 2008) الخميس أغسطس 11, 2011 12:20 am | |
| الشاعر القدير : محمد البسيوني
قصيدة لو كان الأمر بيدي
لوضعتها تدرس في جامعات مصر بأكملها
لأنها فيها التاريخ والنصيحة والعبرة
الحلول اللي إحنا محتاجينها زي : وشفت ابنك وشفت ابنى وهُمَّ بينسجوا توبنا ولابسين قطننا المصرى ورافضين منحه أو منَّه هدفهُم هو صنع ف مصر مش صُنِع ف بلاد غيرنا!!
بس مين يسمع ومين يقرأ ومين يفهم
قصيدة رائعة بكل المقاييس
بارك الله لك | |
| | | الشاعر حاتم السمان رفاعى
من أصحاب المنتدي
عدد المساهمات : 62 تاريخ التسجيل : 31/07/2011
| موضوع: رد: أنا المصرى (من ديوان كرابيج 2008) الخميس أغسطس 11, 2011 5:07 am | |
| وشفت ابنك وشفت ابنى وهُمَّ بينسجوا توبنا ولابسين قطننا المصرى ورافضين منحه أو منَّه هدفهُم هو صنع ف مصر مش صُنِع ف بلاد غيرنا
كم رائع تجنيدك لهذا المعنى الكبير دمت لنا موفق دائما
| |
| | | ماهر حامد
خادم المصباح
عدد المساهمات : 2082 تاريخ التسجيل : 07/05/2011
| موضوع: رد: أنا المصرى (من ديوان كرابيج 2008) الخميس أغسطس 11, 2011 8:56 am | |
| في هذة الحضرة لا يسعني الا ان اقدم الشكر
لاستذنا القدير
الشاعر محمد البسيوني
على هذا الألق الذي منحنا اياه
كل الشكر والتحية
والتقدير
مودتي | |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الثلاثاء أغسطس 16, 2011 1:22 am | |
| عمنا الكبير الشاعر سعد الشرقاوى كتب :
اخى الشاعر العظيم الاستاذ/محمدالبسيونى لقد حركت ماكان ساكنا وجذبتنى رائعتكم للتواصل فماذا أقول فى عرضك يابسيونى ايدى فى ايدك ياسيد الحبايب ندوّر بهمّه على فجر غايب وقلبى وقلبك من الحب دايب ونعشق بلدنا الجميله ياسونى ,,,,,,,, ايدى فى ايدك مع ألشقيانين وبعد القساوه يحسّوا بحنين ومش بالضروره نقول احنا مين ما دامت رسالة بتوصل ياسونى ,,,,,,,,, ايدى فى ايدك مع ألمسئولين نساعد معاهم فى رفع ألأنين ونبدى آرآأنا ولو كلمتين يساعدوا فى حلّ المشاكل يابسيونى ,,,,,,,, ايدى فى ايدك بحب وأدب نداوى جراحنا بعلاج السبب بعزّ وشهامة ولاد العرب وتكبر بلدنا ف عنينا ياسونى ,,,,,,,,, معانا حبايب و ح يحسوا بيك وتبقى ف عنيهم يخافوا عليك وياخدوا باديّا وياخدوا باديك وبالكلمة نبنى حياتنا ياسونى ,,,,,,,,, عشان قلبى حسّك رجوله وأصيل وقلمك بينزف حضارة ونيل شئ مش بايدى لشعرك أميل وانادى وأقول لك فى عرضك يابسيونى ,,,,,,,,,
أنا اللى فى عرضك ياعمى الكبير
خجلت عشان كان مديحك كتير
يدوب قلت افكر بلدنا بجيلى !!
واقول دا اللى سطَّرتاريخنا المُنير
أشكرك ياأستاذنا على تعقيبك الذى أثلج صدرى ،
وأشكرك أيضا على تفاعلك مع النص ، مما أعطى
النص بهاء وزاده جمالا .
تقبل تحياتى واحترامى وكل عام وأنتم والأسرة
الكريمة بخير وسعادة .
أخوك / محمد البسيونى
| |
| | | حنان نجار
مشرف
عدد المساهمات : 264 تاريخ التسجيل : 07/05/2011
| موضوع: رد: أنا المصرى (من ديوان كرابيج 2008) الأربعاء أغسطس 17, 2011 11:36 pm | |
| تسلم اخي محمد بسيوني على هدا الابداع الرائع
بالتوفيق دائما | |
| | | الشاعر حاتم السمان رفاعى
من أصحاب المنتدي
عدد المساهمات : 62 تاريخ التسجيل : 31/07/2011
| موضوع: رد: أنا المصرى (من ديوان كرابيج 2008) الخميس أغسطس 18, 2011 4:58 pm | |
| وانا ف صُغرى طويت عمرى وقدمته .. فدا بلدى فى يوم ما قالت لى فى اكتوبر واحشنى النصر ياولدى
ما اجملها كلمات من شاعر عاش الموقف وشعر به دمت لنا ولمصرنا العظيمه
| |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الأحد أغسطس 21, 2011 1:19 am | |
| الشاعر حاتم السمان كتب : وشفت ابنك وشفت ابنى وهُمَّ بينسجوا توبن ا ولابسين قطننا المصرى
ورافضين منحه أو منَّه
هدفهُم هو صنع ف مصر
مش صُنِع ف بلاد غيرنا
كم رائع تجنيدك لهذا المعنى الكبير دمت لنا
موفق دائما
اغالى حاتم باشا السمان نحياتى لكم كل الشكر على مرورك الكريم على متصفحى المتواضع والذى أضفيت عليه بهاء بمرورك كل الحب والإحترام لكم تقبل تحياتى | |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الأحد أغسطس 21, 2011 1:31 am | |
| الشاعر الكبير ماهر حامد كتب : في هذة الحضرة لا يسعني الا ان اقدم الشكر
لاستذنا القدير
الشاعر محمد البسيوني
على هذا الألق الذي منحنا اياه
كل الشكر والتحية
والتقدير
مودتي أستاذنا الكبير حامد باشا أولا تحياتى واحترامى لحضرتك ثانيا أنا آسف جدا لما سببته لك من تعب أثناء اشتراكى فى المنتدى بداية ، وما سببنه لكم اليوم من عناء وجهد فى محاولة الدخول ثانيا . ثالثا كل الشكر على تعقيبك الكريم ياأستاذى تقبل منى كل الحب واإحترام . أخوك محمد البسيوني | |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الأحد أغسطس 21, 2011 1:41 am | |
|
الأديبه حنان نجار كتبت :
[center]تسلم اخي محمد بسيوني على هدا الابداع الرائع
بالتوفيق دائما
الأخت الفاضلة حنان نجار
تحياتى واحترامى لكم
كل الشكر لكِ أختنا الفاضله على تكرمك
بالمرور عى متصفحى ، وتشريفه بتوقيعك
الكريم دمتِ بكل الخير وتقبلى تحياتى
| |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الإثنين أغسطس 22, 2011 10:00 pm | |
| الشاعر محمد عبد الواحد كتب الشاعر القدير : محمد البسيوني
قصيدة لو كان الأمر بيدي
لوضعتها تدرس في جامعات مصر بأكملها
لأنها فيها التاريخ والنصيحة والعبرة
الحلول اللي إحنا محتاجينها زي
وشفت ابنك وشفت ابنى
وهُمَّ بينسجوا توبنا
ولابسين قطننا المصرى ورافضين منحه أو منَّه
هدفهُم هو صنع ف مصر
مش صُنِع ف بلاد غيرنا!!
بس مين يسمع ومين يقرأ ومين يفهم
قصيدة رائعة بكل المقاييس
بارك الله لك أستاذنا الفاضل محمد بك عبد الواحد تحياتى لك وشكرا على تعقيبك الكريم ، ومرورك العاطر تقبل احترامى ، ودمت بكل الخير | |
| | | عاطف عاشور
من أصحاب المنتدي
عدد المساهمات : 93 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) السبت أغسطس 27, 2011 11:49 pm | |
| وكان أملى اللى انا شفته وانا باعبر فى يوم سته مفيش صحرا غيطان خضرا ومش سايبه ولا حته ونيلنا ميِّتُه نضيفه بخير على أرضنا بيفيض ويملاها سنابل قمح تكفى شعبنا .. وتفيض ونزرع حَب بإيدينا فيطرح حُب فى قلوبنا وناكُل لقمه مسقِيَّه بعرقنا من مزارعنا وإيد فلاحنا تمنحنا رغيف العيش بضربة فاس وماتسيبناش نمد إيدينا نستجدى الرغيف م الناس
الله الله يا أستاذنا هذا هو أمل كل إنسان يحب هذا البلد ويتمنى له العزة والكرامة فبالفعل من لايملك قوتة لا يملك حريته التى هي أعز ما نملك ويموت الناس في سبيلها ولكن يغفل البعض عن أن هذا لا يتحقق إلا بالعرق والكفاح الحقيقي وانكار الذات كم أنت رائع استاذنا مودتى كل عام وأنت بألف خير عاطف
| |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الإثنين أغسطس 29, 2011 12:37 pm | |
|
الشاعر الكبير عاطف عاشور كتب : <P align=center>
الله الله يا أستاذنا هذا هو أمل كل إنسان يحب هذا البلد ويتمنى له العزة والكرامة
فبالفعل من لايملك قوتة لا يملك حريته التى هي أعز ما نملك ويموت الناس في سبيلها ولكن يغفل البعض عن أن هذا لا يتحقق إلا بالعرق والكفاح الحقيقي وانكار الذات كم أنت رائع استاذنا
مودتى
كل عام وأنت بألف خير
عاطف
[/b]
أشكرك حبيبى وأستاذى الفاضل عاطف على ردك النبيل تقبل تحياتى أخوك / محمد البسيونى
| |
| | | سامى شعير
من أصحاب المنتدي
عدد المساهمات : 389 تاريخ التسجيل : 19/08/2011 العمر : 58 الموقع : bombomail@yahoo.com
| موضوع: رد: أنا المصرى (من ديوان كرابيج 2008) الأربعاء أغسطس 31, 2011 3:40 am | |
| انا بقى من جيل وسط
بين نصر اكتوبر والثوار
شوفت اللى عبرو القنال
بكل عزه وكمان اصرار
وشوفت كمان جيل ماسخ
عمره ف يوم ماخد قرار
لحد ماجه جيل مقدام
قام بثوره فيها ابهار[b] | |
| | | محمد البسيوني
المدير العام
عدد المساهمات : 1501 تاريخ التسجيل : 18/07/2011
| موضوع: رد: أنا المصرى (من ديوان كرابيج 2008) الأربعاء أغسطس 31, 2011 3:48 am | |
| برضه ياسامى .. إحنا الأصل مش كده ولا إيييييييه !!؟ قول لهم ياعم سعد .. أحسن ينسوا نفسهم تحياتى أخى سامى دمت بكل خير أخوك / محمد البسيونى
| |
| | | | أنا المصرى (من ديوان كرابيج 2008) | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |